Mädeniettanuşy, ǧalym, diplomat, memleket jäne qoǧam qairatkerı, Mūhtar Äuezovtıŋ ūly Mūrat Äuezov ömırden öttı. Qaraly habardy ädebiet zertteuşı ǧalym, filologiia ǧylymynyŋ kandidaty Mamai Ahetov Facebook paraqşasynda jazdy, dep habarlaidy “Adyrna” ūlttyq portaly.
"Altynnyŋ synyǧy da - altyn... Ūlynyŋ tūiaǧy, asyldyŋ synyǧy, qazaq mädenietınıŋ şyraqşysy Mūrat Mūhtarūly da betın kelmeske qarai būrypty. Qoş, abzal aǧa, aqyldy ūstaz! Aldyŋnan jarylqasyn!", - dep jazdy ol.
Aqparatty Almaty qalasy äkımdıgınıŋ Mädeniet basqarmasy rastady.
Mūrat Äuezov 1943 jyly 1 qaŋtar künı Jambyl oblysynda Merke kentınde qazaqtyŋ jazuşysy Mūhtar Äuezov pen Fatima Ǧabitovanyŋ otbasynda düniege keldı. M.V. Lomonosov atyndaǧy Mäskeu memlekettık universitetınıŋ Şyǧys tılderı institutyn "Qytai filologiiasy" mamandyǧy boiynşa bıtırdı. 1970-1976 jyldarda M.M.Äuezov "Estetika kochevia" ūjymdyq monografiiasyn äzırlegen (1975 jyl) filosofiia jäne qūqyq institutyndaǧy estetika tobyna jetekşılık ettı. 1981-1987 jyldarda "Qazaqfilm" kinostudiiasynda bas redaktor bolyp qyzmet atqardy. 1988-1990 jyldarda Qazaqstan jazuşylar odaǧynyŋ körkem audarma jäne ädebi özara bailanystar jönındegı Alqasyn basqardy. 1990-şy jyldardyŋ soŋynda M.M. Äuezov Qazaqstandaǧy "Mir" teleradiokompaniiasynyŋ körkemdık jetekşısı boldy. 1990 jyly Qazaq KSR Joǧarǧy Keŋesınıŋ Halyq deputaty bolyp sailanyp, onda Keŋes Prezidumynyŋ müşesı, parlamentaralyq bailanystar jönındegı komitettıŋ töraǧasy boldy. 1992 jylǧy jeltoqsannan QHR-daǧy tötenşe jäne ökılettı elşısı qyzmetıne taǧaiyndaldy. 1995 jyly Almaty oblysy äkımdıgınıŋ aqparat jäne qoǧamdyq kelısım departamentın basqardy. 1999 jylǧy jeltoqsannan "Soros-Qazaqstan" qorynyŋ atqaruşy direktory, 2002 jylǧy şıldeden qordyŋ prezidentı. 2003-2006 jyldary Qazaqstan Respublikasy Ūlttyq kıtaphanasynyŋ bas direktory qyzmetın atqardy.Ūqsas jaŋalyqtar
