«Ötırık üşın jauap beredı». Arman Şoraev äieldı soqqan videoda özı emes ekenın aitty

1806
Adyrna.kz Telegram
https://adyrna.kz/content/uploads/2024/06/71badefe-ac81-4058-815b-1ff1c3dfc9a7.jpeg
Jurnalist Mihail Kozachkov jariialaǧan äiel adamdy soqqan “Arman Şoraev” delıngen videoǧa Şoraev mälımdeme jasady, dep habarlaidy “Adyrna” ūlttyq portaly. 

Jelıde Astana qalasynda er adamnyŋ äieldı ūryp-soqqan videosy tarauda. Jurnalist Mihail Kozachkov videoda qoǧam qairatkerı Arman Şoraev beinelengenın aityp, telegram arnasynda videony jariialady.

Jariialanǧan videoda er adamnyŋ äieldı qalai qaǧyp, kölıkke otyruyna kedergı keltırıp, şaşynan tartqany körsetılgen.

Oqiǧa aldyŋǧy tünde bolǧan degen boljam bar. Äiel aryz jazudan bas tartty, dep atap öttı jurnalist.

Qoǧam qairatkerı Arman Şoraev videoda özı emes ekenın

aitty. 

«Mūnyŋ bärı ötırık. Men eşqaşan eşkımdı ūrǧan emespın. Būl Kozachkovqa tölenetın arandatuşylyq jäne qara piar», — dep tüsındırdı Şoraev.

Ol Mihail Kozachkovtyŋ jasandy intellektıŋ qūrbany bolǧanyn jäne oǧan qarsy aryz jazatynyn atap öttı. 

Aita keteiık, Qazaqstanda 2024 jyldyŋ 16 mausymynda tūrmystyq zorlyq-zombylyq turaly zaŋ küşıne endı. Endı ūryp-soǧu jäne densaulyqqa qasaqana jeŋıl ziian keltıru üşın qylmystyq jauapkerşılık äkımşılık emes, qylmystyq jauapkerşılıkke tartylady. Aiyppūl salynyp, qoǧamdyq jūmystar jäne 50 täulıkke deiın qamauǧa alynady.

Pıkırler