Türkıstanda 17 jastaǧy jıgıt kämelet jasqa tolmaǧan qyzdy jetı ret zorlaǧany anyqtaldy, dep habarlaidy “Adyrna” ūlttyq portaly.
Būl turaly «Ne molchi» qory mälımdedı.
Sot-psihiatriialyq saraptamasy zorlanǧan qyzdyŋ jalǧan aitpaǧanyn qorytyndylaǧan. Jıgıt qyzdy zorlap, qorqytqan sätındegı äŋgımelerınıŋ stenogrammasy da bar.
«Qyzdy zorlaǧan soŋ avtobusqa otyrǧyzyp, üiıne jıbergen. Qan jaǧylǧan oramaldy suretke tüsırıp, eger bıreuge jaq aşar bolsa, ony (qyzdy - red.) koloniiaǧa jıberetının aityp qorqytqan. Osylai qyzdy jetı ret zorlap kelgen. Sot otyrysynda jıgıt qyzdyŋ özın azǧyrǧanyn aityp, kınäsın moiyndamady»,- delıngen qor jazbasynda.
“Nemolchi” mälımetınşe, zorlau faktısın anyqtaǧan barlyq saraptamalardan keiın ıs 120-baptyŋ 3-1 «Kämeletke tolmaǧanǧa qatysty bırneşe ret küş qoldana otyryp zorlau» boiynşa saralanǧan. Bıraq sot däl sot tergeuı kezınde ıstı 122-baptyŋ 1-bölıgıne – «16 jasqa tolmaǧan adammen jynystyq qatynasqa tüsu» degen sanatyna jatqyzylǧan.
Küdıktı jıgıt sot otyrysynyŋ bırınde üzılıs jariialaǧan. Sodan keiın jinalys mülde keiınge şegerılgenı de belgılı boldy.
Ūqsas jaŋalyqtar
