Almatydaǧy Narhoz universitetı şeşım şyǧaryp, qazaq tılınen bas tartty. Būl turaly jurnalist Dias Nūraqyn Facebook paraqşasynda jazdy, dep habarlaidy “Adyrna” ūlttyq portaly.
Onyŋ mälımetınşe, būl joǧary oqu ornynda eŋ maŋyzdy tört fakultettıŋ orys jäne qazaq toptary jabylǧan.
Endı Narxoz-da ekonomika, qarjy, esep, qarjylyq täuekelderdı basqaru jäne aqparattyq tehnologiialar salalarynda bılım alǧysy keletınderdıŋ barlyǧy aǧylşyn tılın bıluı kerek. Ötken jyly da būl mamandyqtar boiynşa bırde-bır qazaq toby bolǧan joq. Biyl olar da «qazaqtardy» qabyldamauǧa bel bailasa kerek.
Sondyqtan Narxoz studentterı tek aǧylşyn tılınde bılım alady. Bıraq, ärine, ol jerde aǧylşyn tılınde mınsız söileitın studentter joqtyŋ qasy, barlyq sabaqtardy 100% aǧylşyn tılınde jürgızetın mūǧalımder de joq.
Sondyqtan, Narxoz mūǧalımderı men studentterı barlyq sabaqtardyŋ naqty aǧylşyn jäne orys tılderınıŋ belgılı
“Būl baryp tūrǧan bassyzdyq. Qazaq tılın qūrtudyŋ töte joly. Sebebı düniejüzı söileitın tılde sabaq beremız degen syltaumen qazaq tılın tūqyrtyp otyr. Narhozǧa negızınen auyl balalary kelıp oqidy. Aǧylşyn emes orysşany äreŋ tüsınetın jastardyŋ sanasyn da tılın de qoiyrtpaqtap jatyr deuge negız bar.
Biylǧy qūryltaida Prezident qazaq tılın meŋgergender 70 paiyzdan asty dep aitty. Al, Prezident äkımşılıgınıŋ basşysy Aibek Dädebaev qazaqşa söileitınder sany 81 paiyzdy qūraidy dep sūhbat bergenı esımızde. Endeşe qazaq elınde, qazaqtyŋ jerınde Narhozdyŋ qazaqşa oqytpaimyz degenı qai sasqany? Būl qazaqtardyŋ qūqyn taptau emei nemene?
Qazaq tılınıŋ märtebesın köteremız degen memleket saiasatyna Narhoz basşylary qasaqana qastandyq qylyp otyr”, dep jazdy jurnalist.