Parlament Mäjılısınıŋ deputaty Nūrgül Tau Ǧylym jäne joǧary bılım ministrlıgınıŋ ökılı Aqerke Abylaihan jäne Respublica partiiasynan sailanǧan mäslihat deputattarymen bırlesıp äl-Farabi atyndaǧy Qazaq ūlttyq universitetınıŋ studenttık jataqhanalaryn aralady, dep habarlaidy «Adyrna» tılşısı partiianyŋ baspasöz qyzmetıne sılteme jasap.
Jataqhanalardyŋ jaǧdaiymen oqu orynnyŋ prorektory Suatai Säbit tanystyrdy.
«Elımızdegı betke ūstar oqu orynnyŋ 6 myŋǧa juyq orynmen qamtityn 15 jataqhanasy bar. Bıraq bärınıŋ bırdei jaǧdaiy mäz emes. Jataqhanalarda qauıpsızdıktı qamtamasyz etu üşın küzet kompaniialarymen kelısımşarttar da jasalmaǧan bolyp şyqty. Işkı küzet dep şaqyrtqan mamandarynyŋ studentterdıŋ ömırıne qauıp töngen jaǧdaida qalai qimyl jasaityny da belgısız.
Studentter qalaşyǧyndaǧy eŋ eskı jataqhana dep tanystyrǧan №9 studentter üiı «Ūlttyq universitettıŋ» jataqhanasy dep atauǧa tıptı ūiatty jaǧdaida. Jataqhanada as äzırleitın jäne kır juatyn oryn bır jerde ornalasqan. Studentterdıŋ aituynşa, keide kır maşinalardan suy aǧyp, as bölmesı köl bolady eken. Studentterdıŋ tūrǧyn jaǧdaiyn arnaiy tüsırılgen beinejazbadan da köre alasyzdar»,—delıngen habarlamada.
Nūrgül Tau studentterdıŋ qauıpsızdıgı jäne densaulyǧy üşın aldaǧy oqu jylyna deiın barlyq anyqtalǧan kemşılıkterdı tüzetudı JOO-yn basşylyǧyna tapsyrdy. Ony tekseru üşın tamyz aiynda Respublica partiiasynyŋ mäslihat deputtary qaita keledı.
<View this post on Instagram
