Tuǧan jer adam ömırınde kielı oryn alady. Osy jer ony ötkenımen jäne bolaşaǧymen bailanystyrady. Ata-balarymyz naizanyŋ ūşymen, bılektıŋ küşımen saqtap bızge amanat etıp qaldyrǧan asyl qazynany közımızdıŋ qaraşyǧyndai saqtauymyz qajet. Jyraular jyrlaǧan, aqyndar öleŋ arnaǧan, suretşıler suret arqyly tuǧan jerdıŋ äsemdıgın, olar üşın asa qymbat ekendıgın körsetuge tyrysqan. Tuǧan jerımızdıŋ topyraǧy, asqar taulary men özen-kölderı, dalasy öte qajet ekenın, sol üşın tuǧan jerımızdı qūrmetteu, qorǧau bız üşın mındet ekenın esten şyǧarmauymyz qajet. Bır sät közımızdı jūmyp tuǧan jerımızdı oiǧa alatyn bolsaq, eŋ aldymen ata-ana, bauyrlarymyz jäne dostarymyz eske tüsedı. Sebebı tuǧan jer ol adamnyŋ şaǧyn Otany. Samal jelımen, balalyq şaqtaǧy estelıkterımen, ata-apalarynyŋ qyzyqty äŋgımelerımen bailanystyrady. Halyqta «Tuǧan jerdıŋ jusany jūpar», – dep bekerden aitylmaǧan. Ärbır tas, ärbır gülı, bärı-bärı adam üşın ystyq bolyp tūrady. Sonymen qatar babalarymyz qaldyrǧan tuǧan jerge bailanysty keremet maqaldar köp. Halyq danalyǧynyŋ ūrpaqty tärbieleude berer mänı öte zor. Sol maqaldardyŋ barlyǧy tek Tuǧan jerdı qūrmetteuge, qasterleuge, qorǧauǧa, Otandy süiuge arnalǧan. Toqsan auyz sözdıŋ tobyqtai tüiını tuǧan jerge degen ystyq mahabbat «Men – Qazaqpyn», «Tuǧan jerımdı süiemın» deitın ärbır adamnyŋ sanasynda, oiynda boluy kerek. Sondyqtan «Adyrna» ūlttyq-etnografiialyq bırlestıgı ūiymdastyryp jatqan «Tuǧan jer» jobasyna qatysuǧa şaqyramyz. Joba aiasyndaǧy barlyq ıs-şaralar Azamattyq bastamalardy qoldau ortalyǧynyŋ qoldauymen ötedı.
Symbat Jūldyzbai
