Şymkent: Keŋ baba saiabaǧy memleket menşıgıne qaitaryluda

Şymkent qalasynyŋ äkımdıgı Keŋ baba saiabaǧyn memleket menşıgıne qaitaruda belsendı jūmystar atqaruda. Qazır būl mäsele boiynşa bırneşe sot otyrysy ötıp, nätijesınde Şymkent qalalyq sotynyŋ azamattyq ıster jönındegı sot alqasynyŋ 2024 jylǧy 10 şıldedegı qaulysymen bırınşı satydaǧy sottyŋ şeşımı rastalyp, özgerıssız qaldy. Degenmen, äkımdık tarapynan atqarylatyn jūmystar köp. Esterıŋızge sala keteiık, 1999 jyly Şymkent qalasy äkımınıŋ şeşımımen jalpy kölemı 3,9272 ga jer telımı «ChPKF «Sapar» JŞS-ne balalar saiabaǧynyŋ aumaǧynda balalar men jasöspırımderge estetikalyq jäne mädeni tärbie beru ortalyǧyn ūiymdastyruǧa 15 jylǧa deiın uaqytşa paidalanuǧa berılgen bolatyn. Ökınışke orai, bastapqy joba oryndalmai saiabaq az uaqytta ülken qoǧamdyq tamaqtanu alaŋyna ainaldy. Kommersiialyq paidalanu barysynda ǧasyrlar boiǧy emen aǧaştary kesılıp, saiabaqtyŋ kei aumaqtary betondalyp, plitkalar töselıp, uäde etılgen balalar ortalyǧy jasalmady. Tegın oiyn alaŋdary, ätkenşekter men qūmsalǧyştar da qiratyldy. Uaqyt öte saiabaqta sauda nysandary köbeiıp, sanitarlyq jaǧdai naşarlap, azamattardyŋ narazylyǧyn tuǧyzdy. Qoǧamdyq pıkırdı eskere otyryp, äkımdık saiabaqty memleket menşıgıne qaitaru prosesın bastady. Sebebı, 1999 jyly belgılengen jalǧa beru merzımı äldeqaşan aiaqtalǧan bolatyn. Şymkent qalasynyŋ Bas josparyna säikes Keŋ baba saiabaǧynyŋ aumaǧy «jasyl aimaq» bolyp belgılengen. Alaida, sot prosesı aiaqtalǧanşa, biudjet qarajatyn qalaǧa tiesılı emes nysandarǧa jūmsauǧa bolmaityndyqtan, zaŋ şeŋberınde saiabaqty abattandyru, kögaldandyru mümkın bolmady. Nysannyŋ syn kötermeitın jaǧdaiy azamattardyŋ aryz-şaǧymdaryn tuǧyzyp, saiabaq äleumettık mındettemelerdı oryndai almaǧan biznestıŋ alaŋyna ainaldy. Joǧaryda körsetılgenderdıŋ negızınde Şymkent qalasynyŋ jer resurstaryn basqaru departamentı tarapynan Şymkent qalasynyŋ mamandandyrylǧan audanaralyq ekonomikalyq sotyna jer uchaskesın beru jäne keiıngı mämıleler turaly Şymkent qalasy äkımdıgınıŋ qaulysynyŋ küşın joiu boiynşa talap aryz joldandy. 2024 jylǧy 30 säuırdegı sot şeşımımen departamenttıŋ talap aryzy qanaǧattandyryldy. Şymkent qalalyq sotynyŋ azamattyq ıster jönındegı sot alqasynyŋ 2024 jylǧy 10 şıldedegı qaulysymen bırınşı satydaǧy sottyŋ şeşımı özgerıssız qaldy. Osylaişa, Keŋ baba saiabaǧy ışınara memleket menşıgıne qaitaryldy. Saiabaq memleket menşıgıne tüpkılıktı qaitarylǧannan keiın äkımdık aldynda jasyl aimaqty qalpyna keltıru, tūrǧyndardyŋ otbasylyq seruenıne jaǧdai jasau mındetı tūr. Şymkent qalasynyŋ äkımdıgı qala tūrǧyndarynyŋ müddesı üşın būl jobany sättı aiaqtap, Keŋ baba saiabaǧyn qalpyna keltıruge bar küş-jıgerın salady. Alaida, «Kritika Şymkenta» paraqşasy äkımdık atyna jekelegen azamattardyŋ negızsız aryz-şaǧymdaryn jariialaudy jalǧastyruda. Būl ūstanym köp sūraq tuǧyzady. Äkımdıktıŋ salalyq qyzmetkerlerıne qatysty qūqyqtyq, moraldyq jäne estetikalyq negızdemesı joq terıs mälımdemelerdıŋ nelıkten qoldau tauyp otyrǧany tüsınıksız. Bız azamattardy tek resmi aqparatqa senuge, tekserılmegen, senımsız derekközderdıŋ arandatularyna jol bermeuge şaqyramyz. Şymkent qalasy äkımdıgınıŋ Instagram, Facebook jelılerındegı resmi paraqşalarynda qalanyŋ damuyna qatysty barlyq jaŋalyqtar jariialanady. Kez kelgen problemalyq sūraqtar men şaǧymdardy Ikomek servisıne, qala äkımdıgınıŋ paraqşalaryna joldaularyŋyzdy sūraimyz.