Almaty oblysyna qarasty Jambyl audanynyŋ Qarǧaly auyldyq okrugı äkımınıŋ apparaty jasyryn dauys beretın kabina jasauǧa 3 607 142 teŋge qarjy böldı, dep habarlaidy “Adyrna”ūlttyq portaly satypalu.gov.kz saityna sılteme jasap.
Atalǧan memlekettık satyp alu 1 tamyz künı "Jasyryn dauys beru üşın kabina jasau jūmystary" degen taqyryppen jariialanǧan. 3 607 142 teŋgege baǧalanǧan tender jeŋımpazy 8 tamyz künı anyqtalady. Eŋ qyzyǧy satypalu.gov.kz saityndaǧy tehnikalyq sipattama paraqşasy aşylmaidy. Onda ekı faildyŋ köşırmesı saqtalypty. Bırınşısı, tek tüsınıksız taŋbalar men sandarǧa tolyp tūr. Ekınşısıne äldebır video-taspa jüktelgen. Ol taspadan da jasyryn dauys beretın kabina turaly derek tappaisyz. Iаǧni, auyl äkımdıgı qanşa kabina jasatpaq ekenın, är kabinanyŋ qūnyn qanşaǧa baǧalap otyrǧanyn anyqtau mümkın emes.
Osyǧan orai Almaty oblysynyŋ memlekettık satyp alu basqarmasynan tömendegı sūraqtarǧa jauap beruın sūraimyz.
1. "Jasyryn dauys beru üşın kabina jasau jūmystary" degen taqyryppen jariialanǧan memlekettık satyp aluda nege tehnikalyq sipattama joq?
2. İnternettegı aşyq derekközderdıŋ mälımetı boiynşa būǧan deiıngı sailaularda atalǧan auyldyq okurgte №280, № 281, № 284, № 285 atty tört sailau uchaskesı jūmys ıstegen eken. Qarǧalyqtar sol bar bolǧany tört uchaskenıŋ jasyryn kabinasy üşın 3 607 142 teŋge qarjy jūmsamaq pa?
3. Memlekettık biudjetten oblystaǧy är sailau aldynda jasyryn kabina jasatu üşın qarjy bölıne me?
Būl sūraqtarǧa basqarma tarapynan kelgen jauapty aldaǧy uaqytta jariialaityn bolamyz!
Aqan Asyl
Adyrna ūlttyq portaly
