FlyArystan äue kompaniiasy 12 jastaǧy qyzdy bortqa mıngızbei, äuejaida tastap ketken

FlyArystan äue kompaniiasy 12 jastaǧy qyz balany bortqa kırgızbei, Astana äuejaiynda qaldyryp ketken. Būl turaly jasöspırımnıŋ anasy Jazira Musina aitty, dep habarlaidy “Adyrna” ūlttyq portaly. «2024 jyldyŋ 20 şıldesınde menıŋ balalarym (egız) Ǧalieva Zere men Ǧalieva Zaure Amerikadan üige oraldy. Balalar tobymen bırge senımdı adamnyŋ jetekteuımen Astana arqyly Oralǧa ūşqan... Flyarystan qyzmetkerlerı Zäurenı tırkep, Zerenı tırkemei qoiǧan. Olar tehnikalyq aqaulardy jöndegen soŋ balany bortqa özderı otyrǧyzatynyn aityp, toptyŋ jetekşısın sendırgen. Menıŋ balalarymnyŋ bükıl qūjaty dūrys. Sonda FlyArystan qyzmetkerlerı ūşaqta oryn joq bolǧany üşın balamdy kırgızbei qoiǧan ba? Ūşaq Oralǧa ūşyp ketken, al menıŋ qyzym Zere Astana äuejaiynda qarausyz qalyp qalǧan», - dedı ol. 12 jasar Zere 3 saǧat boiy FlyArystan tırkeuınıŋ janynda otyrǧan. Anasyna «ne ısteimın, qaida baramyn» dep jylap telefon soqqan. «Bala kelesı künı basqa reispen ülken kısınıŋ qarauynsyz ūşyp keldı. Ol bızdıŋ qasymyzda, aman-esen. Bıraq bolǧan jaǧdaidy ūmyta alar emespın, öitkenı būl kez-kelgen balanyŋ basyna tüsuı mümkın. Balaǧa nemqūraily, jauapsyz qaraudyŋ arty qorqynyşty jaǧdailarǧa äkep soǧuy mümkın», - dedı ol. Jazira Musina balanyŋ qauıpsızdıgıne nemqūraily qaraǧan kompaniianyŋ äreketıne aşuly. Ol Azamattyq aviasiia komitenıne jäne Bala qūqyqtary jönındegı uäkıl Dinara Zäkievaǧa jügıngen. «Bız FlyArystan-nyŋ ıs-äreketıne tekseru jürgızılıp, kämeletke tolmaǧan balanyŋ qūqyǧyn būzǧany üşın jauapqa tartylady dep ümıttenemız», - dep jazdy Jazira Musina. Äue kompaniiasy artynşa keşırım sūraǧan. «Bız bolǧan jaǧdaiǧa bailanysty şyn jürekten keşırım sūraimyz. Aviakompaniia mūqiiat tekserıs jürgızedı, qabyldanǧan şaralar turaly sızge mındettı türde habarlaimyz», - dep jauap bergen FlyArystan qyzdyŋ anasyna.