«Atameken» ŪKP «Bäiterek» holdingımen bırlesıp agro-industriialyq aimaqtar men önerkäsıptık klasterlerge arnalǧan jobalardy ıske qosady

2024 jylǧy 9 tamyzda «Bäiterek» ŪBH  AQ-da kezdesu öttı. Kezdesu barysynda pilottyq otandyq ekopoliialardy qūru turaly tört investisiialyq memorandumǧa qol qoiyldy. Kezdesude agroindustriialyq aimaqtardy (AİA) jäne önerkäsıptık klasterlerdı qoldauǧa baǧyttalǧan innovasiialyq biznes şeşımderı talqylandy. Būl bastamalar infraqūrylymdy qūrudan bastap şaǧyn jäne orta biznestı bırtūtas ekojüiege teŋdestırılgen integrasiialauǧa deiıngı barlyq sikldy qamtidy. «Atameken» ŪKP Töralqa töraǧasy Raiymbek Batalovtyŋ aituynşa, jaŋa model bolaşaqta infraqūrylym salu, älemdık brendterdı tartu jäne qarjylyq mümkındıkterdı keŋeitu üşın türtkı bolyp, ornyqty damu üşın qolaily jaǧdai jasalady. «Atameken» Ūlttyq käsıpkerler palatasy «Bäiterek» holdingımen bırlese, biznespen jūmys jürgızıp, 4 strategiialyq joba ūsyndy. Olardyŋ negızgı mındetı – tehnologiialardy transfertteu, injenerlık infraqūrylymdy damytuǧa jeke kapitaldy, halyqaralyq kompaniialardy tartu. Mūndai täsıl qarapaiym mındet bolmasa da, barlyq investisiialyq bastamalarda sūranysqa ie», - dedı Batalov. Atalǧan ekopoliialardy qūrudyŋ negızı bügın qol qoiylǧan memorandumdar boldy. Atap aitqanda:

• Qazaqstan respublikasy «Atameken» Ūlttyq käsıpkerler palatasy men «Bäiterek» Ūlttyq basqaru holdingı» AQ arasynda yntymaqtastyq turaly;

* «Şardara» eksporttyq agroönerkäsıptık klasterı AİA (Türkıstan oblysy) – 84 mlrd teŋge. Joba seleksiia ortalyǧyn, 8000 gektar tamşylatyp suaru şikızat bazasyn jäne öŋdelgen önımnıŋ ärtürlı türlerın öndırudı bırıktırudı qamtidy.

• «Şyŋǧyldy köpsalaly klasterı» AİA (Almaty oblysy) – 29 mlrd teŋge. Joba agroorman şaruaşylyǧy pitomnigın, 14000 gektar suarmaly jerlerdıŋ şikızat bazasyn jäne süt önımderın öndırudı qamtidy.

* «Aksu-Boskan qant klasterı» AİA (Jetısu oblysy) – 25 mlrd teŋge. Gidroenergetikany, meliorasiiany jäne qaita öŋdeu önımderınıŋ keŋ spektrın öndırudı bırıktırudı qamtidy.

• «Bırlık asyl tūqymdy qoi klasterı» AİA (Batys Qazaqstan oblysy) – 25 mlrd teŋge. Joba avstraliialyq tereŋ öŋdeu tehnologiiasyn qoldana otyryp, ūlttyq qoi tūqymyn damytuǧa baǧyttalǧan.

Sonymen qatar, Raiymbek Batalov ekopoliiaǧa qatysty negızgı qaǧidattarǧa toqtalyp öttı. Naqtyraq aitsaq, osy käsıporyndardyŋ barlyǧyn damytu ESG jäne basqa da ekologiialyq täjıribeler standarttaryna qataŋ säikestıkte jüzege asyrylady. «Bız kooperasiianyŋ jaŋa formaty retınde ekopoliialardy qūrudyŋ aitarlyqtai äleuetın körıp otyrmyz. Būl tek innovasiialyq şeşım ǧana emes, sonymen qatar Qazaqstanda tūraqty jäne bäsekege qabılettı biznestı damytudaǧy alǧa jasalǧan qadam. Būl jobalar elımızdıŋ basqa öŋırlerı üşın ülgı bolady jäne otandyq öndıruşılerdıŋ jahandyq naryqtarǧa şyǧuyna yqpal etedı dep senemız», - dep atap öttı «Bäiterek» ŪBH AQ Basqarma töraǧasy Rustam Qaraǧoişin. Raiymbek Batalovtyŋ pıkırınşe, būl bastamanyŋ jetıstıgı Qazaqstandaǧy investisiialyq ahualdy aitarlyqtai nyǧaityp, oŋ ekonomikalyq tūraqtylyqty qamtamasyz etedı.