Otandyq media ökılderı alty aidan astam uaqyt komada jatqan ūlttyq ūlan sarbazy Erbaian Mūhtardyŋ ısın mūqiiat baqylaudy talap etude, dep habarlaidy “Adyrna” ūlttyq portaly.
Otan aldyndaǧy boryşyn öteuge ketıp, mügedek küide oralǧan Erbaian Mūhtar esımdı sarbazdyŋ jai-küiı media ökılderın de alaŋdatuda. Jurnalist Dinara Sätjan Qorǧanys ministrlıgıne ündeu jasap, ıstı baqylauda ūstauyn tapsyrdy. “Istı mūqiiat tekseru kerek. Qorǧanys ministrlıgı oqiǧanyŋ sebebın anyqtau kerek. Menıŋ ūlym da qazır äskeri boryşyn ötep jatyr. Bız komandirlerıne senım artamyz. Bıraq olardyŋ qatarynda jaqsy adamdar bola bermeidı eken. Erbaiannyŋ basynan ötkenı kezdeisoq oqiǧa emes ekenı anyq. Denı sap-sau jıgıt otbasyna mügedek bolyp oraldy. Būl oqiǧa bolmauy kerek edı. Äsker qauıpsız boluy kerek emes pe?! Ol jaqta qarny toq, denı sau qoryqpaityn sarbazdar ǧana qyzmet etedı. Al komandirler äkelerındei qaraityn myqty adamdar boluy kerek”, – dedı jurnalist. Odan keiın akter Täuekel Müsılım de äskerde boryşyn ötep jatqan sarbazdarǧa alaŋdaitynyn jetkızdı. “Osynda jaǧdaidan keiın ūldarymyzdy äskerge qalai jıberemız?! Sarbazdarymyzdy mügedek etetın äsker bızge ne üşın qajet?”, – dep aşyndy akter. Sonymen qatar änşı Saltanat Baqaeva da sarbazdyŋ alǧan soqqysyn jauyzdyq dep boljady. “Osydan keiın qalaişa balaŋdy äskerge jıberesıŋ. Almatynyŋ ırgesındegı äskeri bölımşede bolyp jatqan oqiǧa. Basqa qalalardy ne bolyp jatqanyn oilaudyŋ özı qorqynyşty. Ne degen jauyzdyq! Ata-anasyna küş-quat bersın!”, – dep jazdy aktrisa. Eske salaiyq, Bas äskeri prokuratura alty aidan berı komada jatqan sarbaz Erbaian Mūhtardyŋ ısıne qatysty mälımdeme jasaǧanyn jazǧan edık.Ūqsas jaŋalyqtar
