"Mädeniet maidangerı"

Bügın, 28 tamyz - körnektı memleket jäne qoǧam qairatkerı Özbekälı Jänıbekovtıŋ tuǧan künı, dep habarlaidy "Adyrna" ūlttyq portaly.  Özbekälı Jänıbekov 1931 jyly Türkıstan oblysy Otyrar audany Saryqamys auylynda düniege kelgen. Etnograf, tarih ǧylymdarynyŋ kandidaty. Qazaq halqynyŋ ūlttyq mädenietınıŋ, ana tılınıŋ, dästürı men ädet-ǧūrpynyŋ jaŋaryp, damuyna eleulı üles qosqan Memleket qairatkerı. 20 ǧasyrdyŋ 70-jyldarynyŋ özınde-aq Qoja Ahmet İasaui kesenesınıŋ qalpyna keltırıluıne ūiytqy boldy. Özbekälı Jänıbekovtıŋ bastamasymen Qazaqstannyŋ köptegen qalalarynda etnografiialyq mūrajailar aşyldy, Qazaqstannyŋ tarihi jäne mädeni eskertkışterın saqtau men qalpyna keltıru maqsatyn közdegen “Arqas” qoǧamy qūrylǧan. Jänıbekov “Şerter”, Adyrna”, “Altynai”, t.b. folklorlyq öner ansamblderın ūiymdastyrdy. “Nauryz” meiramynyŋ, M.Dulatov, J.Aimauytov, M.Jūmabaev, Ş.Qūdaiberdiev esımderınıŋ halqyna qaita oraluyna belsene at salysty. Ana tılın damytu baǧdarlamasynyŋ memlekettık tūjyrymdamasyn jasauǧa qatysty. “Qazaqtyŋ ūlttyq qol önerı” “Jaŋǧyryq”, “Uaqyt keruenı”, “Jolairyqta”, “Qazaq kiımı”, “Ejelgı Otyrar”, “Taǧdyr taǧylymy”  eŋbekterınıŋ avtory. Bırneşe ret Eŋbek Qyzyl Tu ordenımen, medaldermen marapattalǧan. Qazaq halqynyŋ ūlttyq mädenietı men ädet-ǧūrpynyŋ jaŋaryp, damuyna eleulı üles qosqan qairatker 1998 jyly dünieden ötken.