Aqtaulyq er adam jalǧyz ūlynyŋ ölımıne aq halattylardy kınälaidy, dep habarlaidy "Adyrna" ūlttyq portaly.
İnformbiuro mälımetınşe, ata-ana bır jasar Abdullaǧa därıgerlerdıŋ bır ai boiy diagnoz qoimai, jūmysyna salǧyrt qaraǧanyn aitqan. Balanyŋ dene qyzuy tüspei, jansaqtau bölımıne tüsken.
Ermek Nūrbaev jalǧyz ūlynyŋ qazasyna aq halattylardy kınälaidy. Sebebı, dene qyzuy 39 gradusqa köterılıp barǧanda därıgerler nauqasty bırden qabyldamaǧan.
"Bız jedel järdemmen üş ret bardyq, qatelespesem. Üşeuınde de qabyldamady. Törtınşısınde barǧan kezde 18-ınde äiteuır qabyldady. Auruhanaǧa jatqyzdy. 6 kün ötkennen keiın balaǧa pnevmoniia dep diagnoz qoidy. Balanyŋ gemoglabinı 70-ke tüsıp ketken. Būl turaly emdegen därıgerı de, basqalary da habarsyz. Aşulanyp, balanyŋ densaulyǧy kürt naşarlap kettı dep sūraǧan kezde "A,a bız bılmedık" dep şyqty. Balanyŋ jaǧdaiyna jıtı män beremız, qadaǧalaimyz degenı ötırık", – dep qynjyldy äkesı.Qara jamylǧan otbasy ädıldıktı talap etude. Al Maŋǧystau oblystyq densaulyq saqtau basqarmasy basşysynyŋ orynbasary Asqar Mahmūtov öz ısıne salǧyrt qaraǧan mamandar tärtıptık jazaǧa tartyldy dep otyr.
"Balanyŋ sepsis diagnozynan qaitys bolǧany belgılı boldy. Medisinalyq qūjattar dūrys toltyrylmaǧany anyqtaldy. Būl qabyldau bölımınıŋ qyzmetkerlerınen ketken qatelık. Jauaptylarǧa tärtıptık jaza taǧaiyndaldy. Qūqyq qorǧau organdaryna bükıl qūjat jıberıldı", – dedı basqarma basşysy.PD "medisina qyzmetkerınıŋ käsıptık mındetterın tiısınşe oryndamau" baby boiynşa tergeu jürgızıp jatqanyn habarlady.
Ūqsas jaŋalyqtar
