ÁÝLIEATANYŃ ÚEU «ASAR» FORÝMYNA QATYSTY

3684
Adyrna.kz Telegram

Tamyzdyń 21-22 kúnderi Pavlodar qalasynda ótken «ASAR» III respýblıkalyq forýmyna Jambyl oblysynyń úkimettik emes uıymdarynyń ókilderi qatysty, dep habarlaıdy adyrna.kz ulttyq portaly. Atalǵan jıyn ÚEU-bıznes-memlekettiń úshjaqty yntymaqtastyǵynyń «Áleýmettik ınnovaııalar: óńirlik damý jetistiginiń formýlasy»  taqyrybynda ótti.

Oblys ákimdigi ishki saıasat basqarmasynyń azamattyq qoǵam ınstıtýttarymen jumys bóliminiń basshysy Maqpal Dosymbekovanyń aıtýynsha, oblystan forýmǵa 4 uıym men 2 memlekettik qyzmetker qatysqan. Olardyń ishinde «Osvobojdenıe-Iýg» qoǵamdyq qorynyń prezıdenti Dáýren Baǵjanov, Jambyl oblysy jastar uıymdarynyń Qaýymdastyǵy" zańdy tulǵalardyń birlestiginiń prezıdenti Islambek Dastan, «Aıaýly alaqan jylýy» múgedekter birlestiginiń Bas dırektory Ásel Daýylbaeva jáne "Nur Qaıyrym" MQ qoǵamdyq birlestigi tóraǵasy Ábdimájıt Absattarov bar.

– Úshjaqty yntymaqtastyq jasalatyn ASAR respýblıkalyq forýmy bıyl dástúrli túrde úshinshi ret uıymdastyrylyp otyr. QR Aqparat jáne qoǵamdyq damý mınıstrligi uıymdastyrǵan jıynǵa kásipkerler men memlekettik qyzmetkerler jáne úkimettik emes uıymdardyń ókilderi qatysty. Forýmnyń basty maqsaty jergilikti qoǵamdyq uıymdardyń áleýmettik jáne azamattyq bastamalardy damytýǵa qosqan úlesin anyqtap, damytý bolyp sanalady. Aldyn ala mınıstrlik onlaın arqyly ÚEU-dyń áleýmettik jobalaryn jınastyryp, kásipkerlerge usynady. Eger kásipkerge qandaıda bir joba unasa, forým aıasynda ony júzege asyrý úshin kelisim-shart jasalatyn bolady. Máselen byltyr Taldyqorǵanda oblysymyzdyń «Naqty kómek» úkimettik emes uıymynyń jetekshisi Sholpan Ahmetova áleýmettik grantty jeńip aǵan bolatyn. Sholpan Dáýkenqyzy múmkindigi shekteýli jandardy tigin men toqyma sııaqty qolóner jumystaryna baýlyp, ary qaraı jumyspen qamtıtyn joba usyndy. Biz Almaty qalasynan ınvestor taýyp, kásipker men «Kómek» uıymynyń arasynda memorandýmǵa qol qoıýǵa yqpal ettik, – deıdi ol.

Pavlodar oblysynda ótken forýmda kásipker men úkimettik emes uıymdar arasynda kelisim-sharttar jasalyp, aýqymdy jobalar qolǵa alyndy. Maqpal Dosymbekovanyń aıtýynsha, Jambyl oblystyq ishki saıasat basqarmasy áleýmettik kásipkerlikti damytýǵa aıryqsha kóńil bólip otyr. Mysaly ótken jyly óńirdi damytý boıynsha 5 shaǵyn granttar berilse, bul ıgi is bıylda jalǵasyn tabatyn bolady.

Eń alǵashqy ASAR forýmy Atyraý jáne Taldyqorǵan qalalarynda ótken bolatyn. Forýmnyń erejesine sáıkes jıyn ár jyly ár óńirde ótedi. Bıyl jıynǵa qatysýshylar endigi forým ońtústik óńirlerde uıymdastyrylsa degen ótinish aıtty.

"ADYRNA"

Ulttyq portaly

Pikirler