Bügın Qala künı qarsaŋynda oblys äkımı Nūrlybek Nälıbaevtyŋ qatysuymen «Jaily mektep» ūlttyq jobasy aiasynda Qyzylordanyŋ sol jaǧalauyna salynǧan 900 oryndyq bılım oşaǧynyŋ saltanatty aşylu räsımı öttı. Būl turaly Qyzylorda oblysy äkımınıŋ baspasöz qyzmetı habarlady.
Is-şaraǧa jauapty salalardyŋ, qūqyq qorǧau organdarynyŋ basşylary, Halyqaralyq Qarttar künı qarsaŋynda aimaq basşysynyŋ arnaiy şaqyrtuymen barlyq audannan kelgen ardagerler, ziialy qauym ökılderı qatysty.
Aimaq basşysy qala tūrǧyndaryn jaŋa mekteptıŋ aşyluymen qūttyqtap, jinalǧan jūrtşylyqqa ızgı tılegın aitty.
«Jas ūrpaqtyŋ bılımı men oqu-aǧartu ısıne barynşa köŋıl bölu – memleketımızdıŋ eŋ maŋyzdy mındetı. Biyl öŋırdıŋ bılım salasyna bölıngen qarjy 262 mlrd 100 mln teŋgege jetıp, oblys biudjetınıŋ 35,2 paiyzyn qūrady.
Memleket basşysynyŋ bastamasymen «Jaily mektep» ūlttyq jobasy elımızdıŋ barlyq aimaǧynda jüzege asyryluda. Ūlttyq joba aiasynda 740 myŋ oquşyǧa arnalǧan 369 mektep salynady.
Osy jobamen öŋırımızde 12 300 orynǧa laiyqtalǧan 21 mektep salu josparlanǧan, onyŋ 10-nyŋ qūrylysy jürgızılude. «Jaily mektep» jobasyn ıske asyru arqyly aimaǧymyzdaǧy 4 apatty jäne 3 beiımdelgen mekteptıŋ mäselesı tübegeilı şeşımın tabady.
Bügın respublikalyq biudjettıŋ tıkelei qarjylandyruymen, «Samūryq-Qazyna» aksionerlık qoǧamynyŋ üilestıruımen, 6 mlrd 851 mln teŋgege salynǧan oblystaǧy alǧaşqy 900 oryndyq «Jaily mektep» el igılıgıne berılude. Būl ǧimarat Qyzylorda qalasynyŋ sol jaǧalauy tūrǧyndarynyŋ memlekettık mektepke degen sūranysyna tolyq jauap beredı.
Bılım ordasynda şäkırtterdıŋ barlyq pändı oqyp üirenuıne, ūstazdardyŋ şyǧarmaşylyqpen eŋbek etuıne tolyq mümkındık jasalǧan. Öskeleŋ ūrpaqtyŋ igılıgı üşın Jaŋaqorǧan, Şielı audandarynda 200 oryndyq oquşylar üiı men 50 oryndyq öner mektebı, «SautsOil» kompaniiasynyŋ demeuşılıgımen muzykalyq kolledjdıŋ jaŋa ǧimaraty, Şyǧarmaşylyq-innovasiialyq ortalyq, «Bılımdı qoldau qory» esebınen fizika-matematika mektep-internaty salynuda. Mektep-internat ekınşı toqsanda paidalanuǧa berıledı.
Jaŋa mektep salu, apatty mektepter men üş auysymdyq oqytudy joiu – bılım salasyndaǧy basym baǧyttyŋ eŋ maŋyzdysy. Osy bılım oşaǧynda ūstaz ben şäkırt, mektep pen ata-ana bailanysy artyp, aldyŋǧy buynnyŋ ızgı jolyn jalǧaǧan bılımdı de talantty, sanasy sergek, oiy ūşqyr, bäsekege qabılettı jas ūrpaq tärbielenıp şyǧaryna senımımız mol.
Jaŋa oqu jylynda biık tabystarǧa qol jetkızıp, alǧa qoiǧan maqsattaryŋyz oryndalsyn! El müddesı jolyndaǧy igı ısterdı bırge atqaraiyq, jetıstıkke bırge jeteiık! Egemen elımızdıŋ erteŋı eŋselı, täuelsızdıgımız tūǧyrly bolǧai!», – dedı Nūrlybek Nälıbaev.
Jiynda «Samūryq-Qazyna Konstrakşn» aksionerlık qoǧamynyŋ basqarma töraǧasy Mäulen Aimanbetov qala tūrǧyndaryn jaŋa mekteptıŋ aşyluymen qūttyqtap, qatysuşylarǧa igı tılegın jetkızdı.
Jyl soŋyna deiın 12 jaŋa mektep jäne 4 mektep janyndaǧy qosymşa qūrylys aiaqtalyp, paidalanuǧa berıledı. Ötken jyly oblys ortalyǧyndaǧy 4 mektepke 1 850 oquşyǧa arnalǧan qosymşa ǧimarat salyndy. Biudjetke salmaq tüsırmei, qarjyny ünemdeu arqyly oryn tapşylyǧy, üş auysymdy oqytuǧa köşuı mümkın mektepter mäselesı şeşımın tapty.
Byltyr 1 170 oryndyq 4 mektep, osy jyldyŋ basynda
550 oryndyq 2 mektep qoldanysqa berıldı. Biylǧy jaŋa oqu jyly qarsaŋynda Şielı audanynda «Bılım beru infraqūrylymyn qoldau» qorynyŋ qarjylandyruymen 100 oryndyq, Jaŋaqorǧan audanynda jergılıktı biudjet esebınen 150 oryndyq mektepter el igılıgıne tabystaldy.
Saltanatty ıs-şarada zamanaui bılım ordasynyŋ qūrylysyn jürgızgen merdıger mekemenıŋ qyzmetkerlerı oblys äkımınıŋ Alǧys hatymen marapattaldy.
