Parlament Senatynyŋ Töraǧasy Mäulen Äşımbaev bastaǧan AES saludy qoldau jönındegı halyq ştabynyŋ müşelerı Jetısu oblysyna kelıp, öŋır jūrtşylyǧymen aldaǧy referendumǧa qatysty özektı mäselelerdı jäne energetika salasyn damytu perspektivalaryn talqylady. Sapar barysynda deputattar sarapşylarmen jäne qoǧam qairatkerlerımen bırge oblystaǧy öndırıstık käsıporyndardyŋ eŋbek ūjymdarymen, sondai-aq, belsendı jastarmen kezdestı.
Mäulen Äşımbaev öz sözınde qazırgı syn-qaterler jaǧdaiynda balamaly energiia közderınıŋ qajettılıgı būrynǧydan da arta tüskenı aiqyn baiqalyp otyrǧanyn atap öttı. Oǧan klimattyŋ özgeruı, ekologiianyŋ naşarlauy jäne energiianyŋ tapşylyǧyna qatysty statistikalar dälel. Senat Töraǧasy būl rette Memleket basşysy maqūldaǧan atom elektr stansasyn salu turaly bastama asa maŋyzdy ekenın aitty. Atalǧan jobanyŋ negızgı artyqşylyqtarynyŋ bırı – kömırqyşqyl gazynyŋ şyǧaryndylaryn azaitu jäne kömırge täueldılıktı tömendetu.
«Bügınde halyqtyŋ tūtynu qajettılıgın ötep otyrǧan kömır elektr stansalarynyŋ jaǧdaiy syn kötermeidı, basym bölıgı äbden tozǧan. Qazırdıŋ özınde elımızde energiia tapşylyǧy oryn alyp, senımdı jäne taza quat közderınıŋ qajettılıgı artyp otyr. Prezidentımız Qasym-Jomart Kemelūly Toqaev halyqqa Joldauynda osy tüitkılge erekşe toqtaldy. Şyn mänınde, būl rette atom energiiasynyŋ äleuetı zor. Qazır ol bükıl älemde belsendı qoldanylyp keledı. AES-tıŋ kömır stansalarynan aitarlyqtai aiyrmaşylyǧy bar. Ol auany jäne qorşaǧan ortany kömırqyşqyl gazdarymen, külmen nemese qūramynda mūnai önımderı bar ziiandy qaldyqtarmen lastamaidy. Būl – tabiǧatqa ziian keltırmei-aq ekonomikamyzdyŋ qarqyndy damuyna yqpal etetın taza jäne tūraqty energiia közı», – dedı Palata Spikerı.
Sonymen qatar Ştab müşelerı aqparattyq jūmys aiasynda «Aisūlu» tıgın fabrikasynyŋ ūjymymen kezdestı. Mūnda köp balaly analar, mümkındıgı şekteulı jandar jäne äleumettık az qamtylǧan sanattaǧy basqa da azamattar jūmys ısteidı. Kezdesude olar AES salu bastamasyn tolyq qoldap, öz pıkırlerın bıldırdı.
Qazaqstandaǧy negızgı beton öndıruşılerdıŋ bırı, qala qūrylysymen ainalysatyn «Temırbeton» käsıpornynyŋ qyzmetkerlerı de atalǧan ideiany qoldaityndaryn jetkızdı.
Öŋır jūrtşylyǧymen jäne belsendı jastarmen kezdesude öndırıske qajettı jaŋa täsılderdı zerdeleudıŋ jäne innovasiialyq tehnologiialardy engızudıŋ maŋyzy söz boldy. Mäulen Äşımbaev atap ötkendei, qazırgı atom elektr stansalary senımdı, adam ömırıne qauıpsız, eŋ ozyq jäne tekserılgen tehnologiialar negızınde salynyp jatyr.
Sondai-aq Senat Töraǧasy AES-tıŋ jūmysy men ony paidalanu kezeŋınde halyqaralyq saraptamalyq ūiymdar tarapynan senımdı baqylauǧa kepıldık berılgenıne toqtalyp, azamattardy el igılıgı üşın referendumǧa belsendı qatysuǧa şaqyrdy.
«Ekonomikanyŋ ūzaq merzımdı müddelerıne jäne qajettılıkterdıŋ jedel artuyna bailanysty AES salu mäselesı strategiialyq sipatta ie ekenın körıp otyrmyz. Sondyqtan halyqtyŋ būl mäselege qoldau bıldıruı elımızdıŋ damuy jolynda asa maŋyzdy. Atom elektr stansasyn salu kezındegı negızgı basymdyq adamdardyŋ qauıpsızdıgı ekenı anyq. Sol sebeptı, qazaqstandyqtar qoldap dauys berse, AES eŋ joǧary halyqaralyq standarttarǧa säikes salynady. Jobany ıske asyru kezınde tabiǧi apattar men basqa da yqtimal syn-qaterlerdıŋ aldyn aluǧa qajettı şaralar mındettı türde eskerıledı. Stansanyŋ qauıpsız jūmysyn MAGATE men basqa da halyqaralyq ūiymdar mūqiiat qadaǧalaidy», – dedı Mäulen Äşımbaev.
