Qorǧanys ministrlıgı Qazaqstannyŋ yqtimal qarsylastary turaly aitty

Qazaqstan Qorǧanys ministrlıgınde Qaruly Küşterdı qarjylandyru turaly aitylyp, olardyŋ qazırgı kezdegı jauyngerlık qabılettılıgıne baǧa berıldı, dep habarlaidy «Adyrna» ūlttyq portaly. «Respublikalyq biudjettıŋ mümkındıkterın eskere otyryp, Qorǧanys ministrlıgınıŋ 2025 jylǧa arnalǧan şyǧystary respublikalyq biudjet komissiiasy JIÖ-nıŋ 0,68 paiyzy mölşerın qūrady. Qosymşa qajettılık bar. Būl mäsele 2025 jylǧy biudjettı naqtylau kezınde qaralatyn bolady», - dep habarlady Qorǧanys ministrlıgı. Sondai-aq, qazırgı uaqytta eldıŋ jauyngerlık qabılettılıgıne baǧa berıldı. «Qazaqstan Respublikasynyŋ äskeri doktrinasyna säikes respublikanyŋ äskeri qauıpsızdıgın qamtamasyz etu qorǧanys sipatynda bolady jäne Qazaqstannyŋ ūlttyq müddelerdı qorǧau üşın diplomatiialyq, saiasi, qūqyqtyq, ekonomikalyq jäne basqa da äskeri emes qūraldardy basymdyqpen paidalanuǧa beiıldılıgın körsetedı. Qazaqstan Respublikasy memleketterdıŋ eşqaisysyn jau retınde qarastyrmaidy», - dedı. Äskerdıŋ jauyngerlık tiımdılıgın arttyru maqsatynda oqytu jüiesı belsendı türde jetıldırılıp, äskeri kadrlardy daiarlaudyŋ zamanaui ädısterı men tehnologiialary engızılude. Qaruly Küşterımızge ärtürlı jaǧdailarda tiımdı äreket etuge jäne özgermelı ortaǧa beiımdeluge mümkındık beretın jauyngerlık daǧdylar men taktikalyq daiyndyqty arttyruǧa erekşe köŋıl bölınedı. «Halyqaralyq äskeri yntymaqtastyq jäne köpūltty oqu-jattyǧularǧa qatysu belsendı damyp keledı, būl täjıribe almasuǧa jäne serıktestermen özara ıs-qimyldy jaqsartuǧa yqpal etedı. Būl bastamalar öz Qaruly küşterıne degen senımdılıktı, armiiamyzdyŋ ūlttyq müddelerdı tiımdı qorǧau jäne halqymyzdyŋ qauıpsızdıgın qamtamasyz etu qabıletın nyǧaituǧa baǧyttalǧan», - dep qosty ministrlık.