Qazaqstan basşysy Täuelsız Memleketter Dostastyǧy ūiymyna müşe memleketter basşylary keŋesınıŋ otyrysyna qatysyp, basqalardy bätuaǧa şaqyrdy. Būl turaly Aqordaǧa sıltep "Adyrna" ūlttyq portaly habarlaidy.
Prezident Qasym-Jomart Toqaev 8 qazandaǧy jiynda dästürlı qonaqjailyǧy jäne Reseidıŋ TMD-ǧa töraǧalyq etu barysynda nätijelı jūmys atqarǧany üşın Resei basşysy Vladimir Putinge alǧys aitty.
Memleket basşysy 1991 jyly Almaty Deklarasiiasynyŋ negızınde qūrylǧan TMD-nyŋ äleuetın bedeldı halyqaralyq ūiym retınde odan ärı nyǧaitu Qazaqstan üşın basty basymdyqtyŋ bırı ekenıne nazar audardy.
Qazaqstan Prezidentınıŋ aituynşa, geosaiasi tūraqsyzdyqqa da nazar audaryp, kelısım jasasuǧa şaqyrdy."Ötken ǧasyrdyŋ 90-jyldarynda Balqan tübegındegı sekıldı kürdelı jaǧdailarǧa postkeŋestık aumaqta jol berılgen joq. Mūnda Täuelsız Memleketter Dostastyǧynyŋ ülesı zor deuge bolady. Sondyqtan Dostastyqty saqtau kerek dep oilaimyn. Osy maqsatta özara senımdı nyǧaitudyŋ eŋ tiımdı şaralaryn qabyldap, memleketter basşylary deŋgeiınde bır-bırımızdı negızsız synap-mıneuden aulaq bolyp, ūstamdylyq pen parasattylyq tanytqanymyz jön", – dedı Qasym-Jomart Toqaev.
Odan bölek, Prezident älem ekonomikasynda tūraqsyzdyq beleŋ alyp tūrǧan jaǧdaida sauda-ekonomikalyq yqpaldastyq mäselelerı ūdaiy nazarda boluǧa tiıs ekenın aitty. Söz soŋynda Qasym-Jomart Toqaev 2025 jyly TMD-ǧa Täjıkstan Respublikasynynyŋ töraǧalyq etu jäne kezektı sammittı Duşanbede ötkızu turaly şeşımdı qoldaitynyn jetkızıp, qorytyndylady. Jiynda Resei prezidentı Vladimir Putin, Äzerbaijan prezidentı İlham Äliev, Armeniia premer-ministrı Nikol Paşinian, Belarus prezidentı Aleksandr Lukaşenko, Qyrǧyzstan prezidentı Sadyr Japarov, Täjıkstan prezidentı Emomali Rahmon, Türıkmenstan prezidentı Serdar Berdımūhamedov jäne Özbekstan prezidentı Şavkat Mirziioev söz söiledı. Aita keteiık, būǧan deiın Qasym-Jomart Toqaevtyŋ Mäskeuge saparlauy jaiynda ärtürlı aqparat taraǧan. Degenmen soŋǧy sätke deiın būl sapar turaly belgısız bolyp kelgen. Täuelsız Memleketter Dostastyǧy - Keŋes odaǧy taraǧan soŋ, odaq qūramyndaǧy elderden qūralǧan ūiym. TMD-ǧa müşe memleketter basşylary keŋesınıŋ otyrysy Mäskeude 7-8 qazan künderı ötkızıldı. 7 qazanda Resei basşysy Vladimir Putin 72 jasqa toldy."Bızdıŋ el Äzerbaijan men Armeniianyŋ beibıt kelısım jasauǧa degen ūmtylystaryn qūptaidy. Sonymen qatar Ortalyq Aziia aimaǧyndaǧy memleketaralyq şekaralardyŋ jekelegen bölıkterın zaŋdyq tūrǧydan resımdeudı aiaqtau ısınde aitarlyqtai ılgerıleu bar", – dedı Qasym-Jomart Toqaev.
Ūqsas jaŋalyqtar
