Batys Qazaqstanda tört myŋnan ırı qara mal brusellez auruyna şaldyqty, dep habarlaidy «Adyrna» ūlttyq portaly «Moi gorod» portalyna sılteme jasap.
Batys Qazaqstan oblysynyŋ veterinariia basqarmasy mälımdegendei, auyl şaruaşylyǧy januarlary jylyna ekı ret brusellezge tekseruden ötedı. Jyl basynan berı 666,8 myŋ ırı qara mal tekserılıp, 4 942-sı auruǧa şaldyqqany anyqtalǧan. Sondai-aq, 1,1 million ūsaq maldyŋ 1 203-ı oŋ nätije körsetken.
«Bügıngı taŋda, 4 316 ırı qara mal men 991 ūsaq mal sanitarlyq soiuǧa jıberıldı», – dep habarlady basqarma ökılderı.
Resmi derekterge säikes, soŋǧy 7 jylda mal arasynda brusellez auruynyŋ deŋgeiı tömendegenı baiqalady. Mysaly, 2021 jyly 6 490 bas ırı qara mal auruǧa şaldyqsa, 2022 jyly – 5 045, al 2023 jyly būl körsetkış 4 141 basqa deiın azaiǧan. Auru maldar oblystaǧy alty mamandandyrylǧan ūiymǧa jıberıledı. Vedomstvonyŋ mälımetınşe, brusellezge şaldyqqan 329 bas ūsaq maldyŋ etı üşın 5,4 million teŋge ötemaqy tölengen.
Ūqsas jaŋalyqtar
