Memleket basşysy Qasym-Jomart Toqaevtyŋ 2020 jyldy erıktıler jyly dep jariialaǧany öte maŋyzdy şeşım boldy. Būl turaly Jambyl oblystyq «Qyzyl Ai» qoǧamynyŋ direktory Orazkül Tastemırova mälımdedı, dep habarlaidy adyrna.kz ūlttyq portaly.
Orazkül Toibekqyzynyŋ aituynşa, qoǧamdyq ūiymnyŋ jūmysynyŋ jandanuyna erıktıler köp üles qosady. Sondyqtan da ol prezidenttıŋ keler jyldy erıktıler jyly dep jariialauy qoǧamdyq ūiymdardyŋ boiyna qan jügırtedı dep esepteidı.
– «Qazaqta apat aityp kelmeidı» degen qanatty söz bar. Rasynda elımızde ärtürlı oqys oqiǧalar bolyp, sonyŋ saldarynan qarapaiym halyq kömekke mūqtaj bolyp jatady. Mäselen, künı keşe Arys qalasy bombanyŋ astynda qalǧanda erıktıler aiaǧynan tık tūryp, el bırlıgın paş ettı. Äitse de, bızdıŋ elde erıktılerge älı de bolsa tiıstı deŋgeide köŋıl bölınbei otyr. Menıŋ oiymşa, prezidenttıŋ erıktılerge bailanysty şeşımı bızdıŋ elde kenjelep qalǧan salanyŋ boiyna qan jügırtedı dep esepteimın. Şyn mänısınde bızdıŋ jūmysymyzdyŋ jandanuy erıktılerge tıkelei bailanysty. Ökınışke qarai bızdıŋ qoǧamdyq ūiymǧa erıktıler köp kelıp jatqan joq. Mektep pen kolledj jäne universietter de jiyn ötkızıp, «tötenşe jaǧdai bolǧan kezde ne ısteu kerek» degen taqyrypta trenigter ötkızemız. Sol jiyndarda jastardy qoǧamdyq ūiymnyŋ jūmysyna atsalysuǧa şaqyryp jatamyz. Olardyŋ ışınde bızdıŋ ūsynysyzdy qabyl alatyndar bar. Bıraz az, – deidı ol.
«Qyzyl Ai» qoǧamdyq ūiymy ot pen sudyŋ ortasynda jüredı. Mäselen, Arys qalasynyŋ halqy qiyn jaǧdaiǧa tap bolǧan da, eŋ bırınşı bolyp osy ūiym kömek qolyn sozǧan. Sondai-aq, ol qoǧamdyq ūiymnyŋ balalarǧa airyqşa qamqorlyq jasaitynyn aitady.
– Merkı audanyndaǧy «Jūldyz» lagerınde Arys qalasynan 50 bala kelıp, demalyp qaitty. «AraiStroiMarket» JŞS demeuşılıgınıŋ arqasynda Arystyq balalarǧa aiaq kiım men futbolka sekıldı kiım-keşek berıp, köŋılın köterdık. «Neke jäne Janūia» klinikasynyŋ janyndaǧy üi jarylǧanda, odan zardap şekkenderge kömektestık. Naqtyraq aitsam, «Hlebnyi Dar» naubaihanasyna ötınışpen şyǧyp, tūrǧyndardy nanmen qamtamasyz ettık. Būdan bölek, «Mektepke jol» aksiiasyna qoldau körsetıp, köp balaly jäne asyrauşysy joq 22 balanyŋ oqu qūraldaryn satyp alyp berdık. Būǧan bızge «Kerege» jäne «Adeko-Taraz» JŞS, «Galo» konditerlık fabrika men Üsen Säken syndy azamattar kömek körsettı. Sondai-aq, Arab ämırlıgı 2005 jyldan berı 560 balanyŋ kämılettık jasqa tolǧanynşa kömek körsetedı. Eger qandaida bır balanyŋ jasy 21-22 asyp ketse onyŋ ornyna jaŋa adamdy alyp, tızımdı jaŋalaimyz, – deidı ol.
Orazkül Toibekqyzynyŋ aituynşa, «Qyzyl Ai» ūiymy halyqtyŋ aqşasynyŋ arqasynda qarjylandyrylyp otyr. Iаǧni, qarapaiym halyq pen käsıpkerlerdıŋ qairymdylyǧynyŋ arqasynda jūmys jürgızılude.
"ADYRNA"
ūlttyq portaly
