Qazaqstan bilıgı Reseidıŋ halyqaralyq sanksiialardy ainalyp ötu üşın el aumaǧyn paidalanuyna qarsy ekenın mälımdedı, dep habarlaidy "Adyrna" ūlttyq portaly.
Būl turaly Qazaqstan syrtqy ıster ministrınıŋ orynbasary Roman Vasilenko mälımdedı.
«Qazaqstan Reseige qarsy sanksiia salǧan joq, Reseige qarsy sanksiialarǧa da qosylmady. Sonymen bırge, bız öz territoriiamyzdyŋ sanksiialardy ainalyp ötu üşın paidalanylǧanyn qalamaimyz», - dedı Vasilenko Polşanyŋ RAR agenttıgıne bergen sūhbatynda.Vise-ministr Vasilenko sanksiialardy ainalyp ötpeu üşın barlyq qajettı şaralar qabyldanyp jatqanyn atady. Sebebı respublika «ekınşı rettık sanksiialardyŋ engızıluın qalamaidy». Onyŋ sözınşe, Astana men Mäskeu arasyndaǧy ekıjaqty qarym-qatynasta «mäsele» joq. Alaida «ärtürlı mäseleler» bar ekenın, öitkenı körşıles ekı memlekettıŋ qarym-qatynasy «öte aluan türlı» ekenın atap öttı. «Ärtürlı sūraqtar bar, sebebı bız körşı memlekettermız jäne bızdıŋ qarym-qatynastarymyz aluan türlı. Bız būl sūraqtardy olar mäselege ainalmai tūryp şeşu üşın Reseimen bırlesıp jūmys ıstep jatyrmyz, — dep tüsındırdı ol.
Ūqsas jaŋalyqtar
