Kün saiyn qoǧamdyq tärtıp pen qauıpsızdıktı qamtamasyz etuge Ūlttyq ūlannan äskeri qyzmetşılermen qatar, kinologtar da jūmyldyrylady. Jäne olardyŋ baptauyndaǧy qyzmettık itter tynyştyqty küzetu kezınde qūqyq būzuşylardy qūryqtauǧa,qylmystardy aşuǧa septıgın tigızedı.
Mysaly, 25 qazan künı saǧat 20:45 şamasynda Astana qalasy Qajymūqan köşesı, 6-üiden kämeletke tolmaǧan balanyŋ joǧalǧany turaly şūǧyl habarlama tüsedı.
Atalǧan meken-jaiǧa jyldam jetken 5573 äskeri bölımı kinologiialyq qyzmetınıŋ aǧa mamany qatardaǧy Älışer Süleimenov oqiǧanyŋ män-jaiyn anyqtap, joǧalǧan 8 jasar balany ızdeu üşın Zorro esımdı qyzmettık ittıŋ kömegıne jügınedı. Älışerdıŋ qyzmette äbden şyŋdalǧan tört aiaqty serıgı balanyŋ jeke zatyn iıs alyp, bırden ızge tüsedı. Köp ūzamai, balaqai tabylyp, ata-anasyna aman-esen tabystaldy.
Sol künı äskeri jasaö bastyǧy Erkebūlan Parymbekov, patrulşı sarbazdar qatardaǧy Ermahan Sūltanov, Danial Kenjebaiūly jäne kinolog efreitor Abylaihan Orazbek elordanyŋ Esıl audanynda ornalasqan Oral köşesın barlau kezınde şöpten bırdeŋe ızdep jürgen küdıktı adamdy baiqaidy. Efreitor Orazbek bırden Huh esımdı itke pärmen beredı.
"Bızdegı itter jarylǧyş zattardy tapqyş, ız keskış degen siiaqty baǧyttarda tärbielenedı. Al men baptaityn Huh esırtkı önımderın tabuǧa beiımdelgen. Şöp arasynan sary taspamen oralǧan bailam tauyp şyqty. Küdıktı men esırtkını odan ärı tekseru maqsatynda oqiǧa ornyna polisiia qyzmetkerlerın şaqyrdyq", - deidı ūlandyq kinolog.
Bügıngı taŋda elordalyq jedel qūrama qatarynda 30-dan astam it bar. Olar QR IIM Ūlttyq ūlany qyzmetınde qoǧamdyq tärtıptı qamtamasyz etu jäne qūqyq būzuşylyqtar men qylmystardy aşuǧa keŋınen qatysyp keledı.
Ūqsas jaŋalyqtar
