Ūlttyq ūlannyŋ 5571 äskeri bölımınıŋ serjanty Damir Naǧaliev äkesıne bergen uädesın oryndau üşın velosipedpen 900 şaqyrymnan astam joldy jürıp öttı. Būl sapar – tek sporttyq jetıstık emes, äke amanatyna degen adaldyqtyŋ, otbasy qūndylyǧyna degen qūrmettıŋ jäne äskeri qyzmetşıge tän tabandylyqtyŋ jarqyn körınısı.
Keŋes Odaǧynyŋ Batyry, gvardiia polkovnigı Bauyrjan Momyşūly atyndaǧy 5571 äskeri bölımınde qyzmet etetın serjant Damir Naǧaliev köpten berı äkesınıŋ armanyn jüzege asyrudy maqsat etken. Äkesı kezınde Jetısaidan Saqanǧa deiın velosipedpen sapar şegudı armandaǧan, bıraq oryndauǧa mümkındık bolmaǧan.
Osy armandy äke amanaty retınde qabyldaǧan äskeri qyzmetşı eŋbek demalysyn tolyqtai osy maqsatqa arnady. Ol Almaty qalasynan Jetısaiǧa deiın 900 şaqyrymnan astam qaşyqtyqty segız kün ışınde velosipedpen eŋserdı.
- Äkemdı raiynan qaitaryp aldymen būl joldyŋ qanşalyqty qiyn ekenın özım körıp, bılgım keldı. Sol sebeptı eŋ aldymen özım jürıp ötudı jön kördım. Äkemnen rūqsat alyp, demalysqa şyǧar aldynda velosiped satyp aldym. 1 şılde künı tüngı saǧat 02:00-de eşqandai daiyndyqsyz jolǧa şyqtym, - deidı Damir Naǧaliev.
Sapar barysynda ūlandyq jauynger jauyn-şaşynǧa, qatty jelge jäne kürdelı asularǧa qaramastan dıttegen jerıne aman-esen jettı. Eŋ ūzaq kündık jürısı – 230 şaqyrymdy qūraǧan.
Damirdıŋ aituynşa, äskeri qyzmette qalyptasqan tärtıp, tözımdılık pen jauapkerşılık, sondai-aq otbasy men ärıptesterınıŋ qoldauy barlyq qiyndyqty eŋseruge küş bergen.
Būl sapar – tek ūzaq qaşyqtyqty baǧyndyru emes. Būl - äke amanatyna degen qūrmettıŋ, berılgen uädege adaldyqtyŋ jäne äskeri qyzmetşı ruhynyŋ aiqyn ülgısı. Osyndai önegelı ıs jastarǧa otansüigıştık pen otbasylyq qūndylyqtardyŋ maŋyzyn därıpteidı
