Qaraşanyŋ 19-y künı jelıde «Özenmūnaigaz» basqarmasynyŋ töraǧasy Janbolat Saimaǧambetov ereuılşılerdıŋ bırıne balaǧat sözder aityp qorqytqany turaly video tarady. «Özenmūnaigaz»kompaniiasynyŋ basqarma töraǧasy Janbolat Saimaǧambetov narazylyq bıldıruşı jūmysşyǧa tıl tigızıp, «Äkımşılık qūqyq būzuşylyqtar turaly» kodeksınıŋ (ÄQBtK) jäne Qazaqstan Respublikasynyŋ Qylmystyq kodeksınıŋ (QK) kemınde üş babyn būzǧanyn anyqtaldy, dep habarlaidy “Adyrna” ūlttyq portaly QazTAG agenttıgıne sıltep.
Saimaǧambetov äleumettık jelıde taraǧan videoda ereuılşılerdıŋ bırıne orysşa, qazaqşa aralas dörekı türde «Qazır osy jerde mynany byt-şyt ǧyp, kül-talqanyn şyǧaramyn» degen maǧynada boǧauyz sözder aitqan.
Sözdıŋ maǧynasynaa qaraǧanda Saimaǧambetov qyzmetkerdı balaǧattauy ereuılşıge fizikalyq küş körsetu men tıkelei qorqytu sanatyna jatady.
Iаǧni, «Özenmūnaigaz» kompaniiasynyŋ top-menedjerınıŋ äreketınen Qazaqstan Respublikasy Qylmystyq kodeksınıŋ 115 (qorqytu) jäne 131 (qorlau) baptarynyŋ, sondai-aq 434-babynyŋ 1-bölıgınıŋ (ūsaq būzaqylyq körınıs tapqan) zaŋ būzuşylyqty köruge bolady.
Aita keteiık, polisiia qoǧamdyq orynda ädepsız sözderge qūqyq būzuşylyq faktısı boiynşa äreket etedı, iaǧni Saimaǧambetovke qatysty eŋ bolmaǧanda äkımşılık qūqyq būzuşylyq turaly ıs qozǧaluy kerek edı, al qylmystyq ıs qozǧau mäselesı aşyq küiınde qalyp otyr.
QazTAG redaksiiasy tüsınıkteme alu üşın Qazaqstannyŋ Işkı ıster ministrlıgıne habarlasty.
Esterıŋızge sala keteiık, 12 qaraşada «Özenmūnaigaz» AQ-na qyzmet körsetetın «Būrǧylau jūmystaryn basqaru» serıktestıgınıŋ jūmysşylary mitingıge şyqqan bolatyn. Jergılıktı «Lada» basylymynyŋ jazuynşa, olar basşylyqqa jarty jyldan berı talaptaryn aityp keledı, bıraq ony oryndauǧa eşkım asyǧar emes.
Ereuılge şyqqan «Özenmūnaigaz» jūmysşylary alty talap qoidy.
