Uaqyt beldeuınıŋ äserın zertteu üşın 100 mln teŋge bölınbekşı

Ükımet Qazaqstannyŋ uaqyt beldeuınıŋ el tūrǧyndaryna äserın zertteuge 100 mln teŋgeden astam qarjy jūmsamaq. Būl turaly Ǧylym jäne joǧary bılım ministrı Saiasat Nūrbek mälımdedı, dep habarlaidy "Adyrna" ūlttyq portaly.  Ministrdıŋ aituynşa, bügıngı künı zertteu üşın 160 million teŋgege ötınım tüsken. Bıraq qarajat 90-100 million teŋgege deiın qysqaruy mümkın. Juyrda ötken Joǧary ǧylymi-tehnikalyq komissiianyŋ otyrysy ötken. Endı konkurs jariialanady. Ūlttyq ǧylymi keŋes zertteudıŋ naqty qūnyn anyqtaityn bolady. Saiasat Nūrbek būl zertteuge jūmsalatyn qarajattyŋ bosqa ketpeitının atap öttı. "Qoǧamdyq sūranys boldy, sondyqtan bız jauap beruge mäjbürmız. Densaulyq saqtau ministrlıgı tolyq qoldau bıldırdı, al bız grant böletın ūiym retınde būl jobany qoldadyq”, - dedı Saiasat Nūrbek.