Senat töraǧasy Mäulen Äşımbaev elımızdegı memlekettık qorlar qarajatynyŋ jūmsaluyn baqylau mäselesın köterıp, mäselelerdı aitty, dep habarlaidy "Adyrna" ūlttyq portaly QazAqparatqa sıltep.
Äşımbaev respublikalyq biudjettıŋ atqaryluy boiynşa esep berude de qaiyrymdylyq qorlar bır ǧana paraqpen keletının synǧa aldy.«Bügıngı taŋda medisinalyq saqtandyru, äleumettık saqtandyru qory, bıryŋǧai jinaqtyq zeinetaqy qory jäne basqalary bar. Būl qorlardaǧy aktivter el biudjetınıŋ barlyq şyǧysynan asyp tüsedı. Bügın bızde biudjettıŋ şyǧys bölıgı 24 trillion teŋge bolsa, būl qorlardyŋ aktivterı 25 trillion teŋgeden asady. Iаǧni, qorlarda ülken qarajat jinaqtalǧan. Endı būl qūraldardy baqylau jäne olardy paidalanu mäselesı tuyndaidy», - dedı M. Äşımbaev Senat otyrysynda.
Mäulen Äşımbaev osy baǧytta Ükımet baqylauy üşın qandai da bır şaralardy qabyldau qajettıgın jetkızdı.«Onda şynymen ne bolyp jatqanyn tüsınu öte qiyn. Būl jaǧdaida Parlament būl şyǧyndardy baqylamaidy, olarǧa qaramaidy. Eŋbek ministrlıgınıŋ būl qarajattyŋ qalai jūmsalyp jatqanyn qadaǧalauǧa qanşalyqty mümkındıgı bar ekenın bılmeimın. Jalpy, būl öte maŋyzdy mäsele. Onda ülken qarajat jatyr. Bız qazır respublikalyq biudjettı qarap, jylu energetikasy jäne basqa da baǧyttarǧa qarajat taba almai otyrmyz. Al onda ülken qarajat jinaqtalǧan, endıgı mäsele – olardyŋ baqylauda boluy jäne jalpyūlttyq maqsattarda paidalanu», - dedı M. Äşımbaev.
«Eger bızde ekonomikanyŋ naqty sektoryn damytu mındetı bolsa, onda būl qarajattyŋ bölıgı türlı qarjy qūraldary arqyly ekonomikanyŋ naqty sektoryn damytu üşın jūmys ısteuı kerek degendı bıldıredı. Mūny qalai jasau kerektıgı – Ükımettıŋ qarjylyq jäne ekonomikalyq blogynyŋ, äleumettık qorǧau ministrlıgınıŋ mındetı. Biyl respublikalyq biudjettıŋ atqaryluyn qarastyru kezınde būl mäselege qaita oralu qajet», - dedı Mäulen Äşımbaev.
Ūqsas jaŋalyqtar
