Mäulen Äşımbaev Senattyŋ jalpy otyrysynda premer-ministrdıŋ orynbasary – qarjy ministr Erūlan Jamaubaev pen Tötenşe jaǧdailar bırınşı vise-ministrı İbragim Külşımbaevqa TJ salasyna kürdelı reforma jürgızu keregın aitty, dep habarlaidy “Adyrna” ūlttyq portaly.
Erūlan Kenjebekūly, İbragim Daukesūly, Abai oblysyndaǧy ört tötenşe jaǧdai kezınde äreket etu jüiesınıŋ qanşalyqty tiımsız ekenın anyq körsettı. Būl – aqiqat. Mūnymen daulasudyŋ da keregı joq. Tarihymyzda bırınşı ret osyndai (alapat) örtpen küresıp jatsaq, ol tüsınıktı bolar edı. Bıraq jyl saiyn osyndai jaǧdai bolady. Byltyr küzde Qostanai oblysynda ülken ört boldy. 40 myŋnan asa gektar orman, jer örtenıp kettı, - dedı Mäulen Äşımbaev.Senat spikerı qūrylymdar arasynda özara üilesımnıŋ joqtyǧyn aitty.
Sızder prezident tapsyrmasyn oryndap jatyrmyz dep aqparat ta berdıŋızder. Bıraq Abai oblysyndaǧy jaǧdai osy bükıl jüienıŋ uaqytyly äreket etpegenın, qūrylymdar arasynda üilesımnıŋ, tärtıptıŋ joq ekenın anyq körsettı. Osyǧan bailanysty osy salany tübegeilı özgertetın, dūrystaityn uaqyt keldı dep esepteimız. Prezidenttıŋ tiıstı tapsyrmalary bar. Ärıptesterımız baǧdarlama qabyldanady dep baiandama jasap jatyr. Basqa da şaralar qabyldanady. Tergeu jūmystary jürıp jatyr. Onyŋ qorytyndysy boiynşa bıraz ıs-şaralar jüiege asatyny sözsız, - dedı Senat töraǧasy.Sondai-aq, ol tötenşe jaǧdai salasyna qomaqty qarjy bölınetının de atap öttı.
Qazır biudjettı qarap jatyrmyz. Aldaǧy uaqytta barlyq ūsynysty qoldap, tötenşe jaǧdai kezınde äreket etetın barlyq qūrylymdy qarjylandyru üşın kelesı jyldyŋ biudjetıne bıraz qarjy engızemız. Ol – jüzdegen mlrd dollar. Bärımız olardyŋ dūrys paidalanuyn, olardyŋ maqsatty türde jūmsaluyn, nätijesı boluyn qamtamasyz etuımız kerek, - dep qorytyndylady Mäulen Äşımbaev.
Ūqsas jaŋalyqtar
