Halyqaralyq qylmystyq sot Netaniahu, Galant jäne HAMAS jetekşısıne order berdı, dep habarlaidy "Adyrna" ūlttyq portaly.
Halyqaralyq qylmystyq sot İzrail premer-ministrı Biniamin Netaniahu, būrynǧy qorǧanys ministrı Ioav Galant jäne HAMAS jetekşılerınıŋ bırı Mūhammed Deifke äskeri qylmystar men adamzatqa qarsy qylmystar jasady degen aiyppen qamauǧa alu orderın berdı.
HQS mälımetınşe, İzrail basşylyǧy Gaza sektoryndaǧy beibıt tūrǧyndardy ömır süruge qajettı zattardan ädeiı aiyryp, gumanitarlyq kömekke kedergı keltırdı dep aiyptalyp otyr. Sonymen qatar, sot Gazadaǧy beibıt tūrǧyndarǧa baǧyttalǧan äue soqqylary men adam qūqyqtaryn būzu jaǧdailaryn anyqtady.
Mūhammed Deifke qatysty aiyptar 2023 jyly 7 qazanda İzraildegı beibıt tūrǧyndarǧa jasalǧan terroristık şabuyldarǧa bailanysty. HQS mälımdemesınde būl äreketter beibıt tūrǧyndardy jappai qyryp-joiu sipatynda bolǧany aitylǧan.
İzrail ükımetı sot şeşımın "absurdty" dep atap, HQS-ty terroristık toptardy qoldady dep aiyptady. İzraildıŋ oppozisiialyq saiasatkerlerı de būl şeşımdı synap, ony "terrorizmdı madaqtau" dep baǧalady.
HQS-tyŋ būl qadamy Taiau Şyǧystaǧy şielenıstıŋ odan ärı uşyǧuyna yqpal etuı mümkın degen alaŋdauşylyq bar. 2023 jyldyŋ qazanynan berı İzrail men HAMAS arasyndaǧy qaqtyǧys kezınde myŋdaǧan adam qaza tapty.
Aita keteiık, "Ukrainaǧa qarsy soǧys aşyp, basqynşy äskerlerınıŋ qolymen ukrain halqyn qūrtyp jatqan Resei prezidentı Vladimir Putin - äskeri qylmysker" dep aiyptalǧan edı. Halyqaralyq qylmystyq sot (HQK) Reseidıŋ basşysyn qamauǧa aluǧa order bergen.
Ūqsas jaŋalyqtar
