Türkıstan qalasynda qyzmetkerlerınıŋ syiaqysyn jinap alǧan «Veterinarlyq qyzmet» basşysy B. Begmanov sottaldy. Būl turaly Antikordyŋ baspasöz qyzmetı jariialady, dep habarlaidy “Adyrna” ūlttyq portaly.
Vedomstvo mälımetınşe, ol qyzmettık ökılettıgın asyra paidalanyp, audandyq 115 qyzmetkerge syiaqy retınde tölengen 5,5 mln teŋgenı jinap alǧany üşın kınälı dep tanyldy.
«Sot ükımımen B. Begmanovqa 3 jyl 6 ai merzımge bas bostandyǧyn şekteu jazasy taǧaiyndalyp, memlekettık qyzmette jäne kvazimemlekettık sektor subektılerınde lauazymdy qyzmet atqaru qūqyǧynan ömır boiyna aiyryldy. Sot ükımı zaŋdy küşıne engen joq.
Konstitusiianyŋ 77-baby 3-tarmaǧynyŋ 1-tarmaqşasyna jäne Qylmystyq-prosestık kodekstıŋ 19-baby 1-bölıgıne säikes, qylmystyq qūqyq būzuşylyq jasaudaǧy kınäsı sottyŋ zaŋdy küşıne engen ükımımen belgılengenge deiın ärbır adam kınäsız dep esepteledı», - delıngen habarlamada.
Ūqsas jaŋalyqtar
“14 päter, 1 milliard teŋge, Land Cruiser”. Taldyqorǧan qalalyq bılım bölımınıŋ bas esepşısı ūstaldy
