Resei men Qazaqstannyŋ qūqyq qorǧau organdary ekı eldıŋ azamattarynan tūratyn 15 adamnan qūralǧan qylmystyq topty ūstady. Top ekı adamdy ūrlap, olardy garajda ūstaǧan. Būl turaly Baikonurİnfo jariialady, dep habarlaidy “Adyrna” ūlttyq arnasy.
Aqparatqa säikes, qylmystyq toptyŋ jetekşısı — 38 jastaǧy Resei azamaty, būǧan deiın sottalǧan. Ol tanysynyŋ kölıgın ūrlady dep küdıktenıp ekı adamdy ūrlaudy josparlaǧan.
«Olar zardap şekkenderdı garajda ūstap, ūryp-soqqan. Bırıne auyr dene jaraqaty salyp, ömırıne qauıp töngen», — dep mälımdedı Baiqoŋyrdaǧy tergeu bölımınıŋ aǧa tergeuşısı Oleg Hanjin.
Sot qylmystyq top jetekşısın kınälı dep tanyp, oǧan qataŋ rejimdegı koloniiada 10 jyl bas bostandyǧynan aiyru jazasyn taǧaiyndady. Al 14 Qazaqstan azamatyna qatysty ükımdı Qyzylorda oblysyndaǧy Qazaly audandyq soty şyǧardy.
Sottyŋ baspasöz qyzmetınıŋ mälımetı boiynşa, 13 aiyptaluşy QR Qylmystyq kodeksınıŋ 125-baby 2-bölıgı («Adam ūrlau») jäne 126-baby 3-bölıgı («Zaŋsyz bas bostandyǧynan aiyru») boiynşa kınälı dep tanylyp, olarǧa 7 jyldan 8,5 jylǧa deiın bas bostandyǧynan aiyru jazasy belgılendı. Bır aiyptaluşy qylmysty jasyrǧany üşın 8 aiǧa türmege qamaldy.
Qazaqstannyŋ Qyzylorda oblystyq soty aiyptaluşylardyŋ jazalaryn jeŋıldettı.
