Aqtauda «QazMūnaiGaz» ŪK AQ enşıles käsıporny «Oil Construction» kompaniiasynyŋ jūmysşylary ereuılge şyqty, dep habarlaidy "Adyrna" ūlttyq portaly.
50-den astam jūmysşy qala köşelerıne şyǧyp, 11-12-şaǧyn audandar arasyndaǧy kölık qozǧalysyn toqtatuǧa tyrysqan. Beine äleumettık jelıde tarady.
Maŋǧystau oblysynyŋ poliseilerı ereuılşıler joldy bögemegenın habarlaǧan. Vedomstvo qoǧamdyq tärtıptı qauıpsızdık küşterı qamtamasyz etkenın de atap öttı.
Al qalalyq äkımdık jaǧdai barysyna toqtaludan bas tartty.
«QazMūnaiGaz» ŪK» AQ baspasöz qyzmetı:
Aita keteiık, Maŋǧystau oblysyndaǧy Jaŋaözende "Özenmūnaigazǧa" qarasty "Būrǧylau jūmystary basqarmasy"(BJB) kompaniiasynyŋ jūmysşylary ereuılge şyqqan bolatyn.
«55 adamdy bırden ştatqa auystyru «Oil Construction Company» JŞS-de bos jūmys oryndarynyŋ bolmauyna bailanysty mümkın emes. Qyzmetkerlerdı auystyru bos jūmys oryndary bolǧan jaǧdaida kezeŋ-kezeŋımen jüzege asyrylady. Sondai-aq osy mäsele boiynşa 2024 jyldyŋ jeltoqsan aiynda Samruk Bussines Academy autstaffing qyzmetkerlerımen kezdesu josparlanǧan. Bız öz kezegınde qyzmetkerlerdı Qazaqstan Respublikasynyŋ qoldanystaǧy zaŋnamasyn saqtauǧa jäne tuyndaǧan mäselelerdı syndarly dialog arqyly şeşuge şaqyramyz», - dep mälımdedı.
Ūqsas jaŋalyqtar
