AQŞ-tyŋ Qazaqstandaǧy elşısı Deniel Rozenblium 2025 jylǧy 20 qaŋtarda öz qyzmetın aiaqtap, AQŞ Memlekettık departamentındegı 28 jylǧa juyq mansabyn tämamdaitynyn mälımdedı, dep habarlaidy "Adyrna" ūlttyq portaly.
Būl turaly AQŞ-tyŋ Qazaqstandaǧy elşılıgı men konsuldyǧynyŋ baspasöz qyzmetı habarlady.
«Qazaqstandaǧy AQŞ elşısı Deniel Rozenblium 26 qaraşada Qazaqstan ükımetıne 2025 jylǧy 20 qaŋtarda qyzmetınen ketetının jäne AQŞ Memlekettık departamentındegı 28 jylǧa juyq tabysty mansabyn aiaqtaitynyn habarlady», – delıngen mälımdemede.
Rozenblium AQŞ-tyŋ Qazaqstandaǧy elşılıgın 2022 jylǧy qaraşadan berı basqaryp keledı. Ol AQŞ Memlekettık departamentındegı mansabyn aiaqtauǧa şeşım qabyldaǧan. Elşınıŋ mansaby bes prezident äkımşılıgı men
segız memlekettık hatşyny qamtidy. Ol AQŞ pen Qazaqstan arasyndaǧy nyǧaia tüsken ärı damu üstındegı qarym-qatynastar aiasynda elde qyzmet etu mümkındıgı üşın alǧysyn bıldırdı.
«Qazaqstandaǧy AQŞ elşısı bolu men üşın ülken märtebe boldy. Men äsırese qazaqstandyq halyqty jaqynnan tanyp, eldıŋ barlyq öŋırlerıne sapar jasap, onyŋ bıregei tarihy turaly köp närse bılgenıme quanyştymyn. Mūnda jūmys ıstegen uaqytymda men Qazaqstannyŋ mädenietı men dästürlerıne tereŋ qūrmetpen qaradym», – dedı elşı.
Eske sala ketsek, 20 qaŋtarda Donald Tramp AQŞ-tyŋ 47 prezidentı retınde ūlyqtau räsımın ötkızıp, qyzmetıne kırıspek.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz