Memleket basşysy Qasym-Jomart Toqaev Qyrǧyzstan Prezidentı Sadyr Japarovpen telefon arqyly söilestı, dep habarlaidy “Adyrna” ūlttyq portaly.
Aqorla mälımetınşe, Qasym-Jomart Toqaev Sadyr Japarovty tuǧan künımen qūttyqtap, bauyrlas qyrǧyz halqynyŋ igılıgı jolyndaǧy jauapty memlekettık qyzmetıne tolaiym tabys tıledı.
“Memleket basşysy Qyrǧyzstan Prezidentınıŋ ekı el arasyndaǧy strategiialyq yntymaqtastyq pen odaqtastyq bailanystardy nyǧaituǧa qosqan zor ülesın joǧary baǧalaitynyn jetkızdı”, – delıngen aqparatta.
Äŋgımelesu barysynda prezidentter ekıjaqty yqpaldastyqtyŋ damu qarqynyn atap ötıp, joǧary deŋgeidegı, sonyŋ ışınde Sadyr Japarovtyŋ biylǧy 18-19 säuır künderı Qazaqstanǧa resmi saparynyŋ aiasynda qol jetkızılgen uaǧdalastyqtardyŋ jüzege asyrylu barysyn talqylady. Dostyq pen tatu körşılık ruhynda örbıp kele jatqan mädeni-gumanitarlyq bailanystardy odan ärı nyǧaituǧa erekşe nazar audaryldy.
Ūqsas jaŋalyqtar
