QR Premer-ministrı Oljas Bektenov Qostanai oblysyna jūmys sapary barysynda öŋırdegı zauyttar men käsıporyndardy aralap, öndırıs basşylyǧy jäne ūjymdarymen kezdesuler ötkızdı, dep habarlaidy “Adyrna” ūlttyq portaly.
Jiyn barysynda bıryŋǧai uaqyt beldeuıne köşu mäselesı de köterıldı. Qostanai oblysy tūrǧyndarynyŋ aituynşa, 6-şy uaqyt beldeuı tabiǧi uaqytpen säikes kelmeitındıkten, būl mäsele būǧan deiın de bırneşe ret köterılgen.
Premer-ministr Oljas Bektenov tabiǧi uaqyttyŋ azamattardyŋ densaulyǧy men ömır sapasyna oŋ äserı ǧylymi däleldengenın aitty. Ol 2017 jyly Nobel syilyǧynyŋ laureattary adamnyŋ sirkadiialyq yrǧaǧyn zertteu arqyly tabiǧi uaqyttyŋ maŋyzdylyǧyn däleldegenın eske saldy.
"Qazaqstan üşın tabiǧi uaqyt beldeuı — UTC+5. Būryn bız tabiǧi emes UTC+6 beldeuınde boldyq. Būl şeşım keibır adamdarǧa bastapqyda qolaisyzdyq tudyruy mümkın ekenın tüsınemın, bıraq aǧza bırtındep beiımdeledı. Eger öŋırlerde qiyndyqtar tuyndasa, infraqūrylymdy jaqsartu, jaryqtandyrudy arttyru jäne yŋǧaily jūmys kestelerın engızu arqyly mäselenı şeşetın bolamyz," — dedı Bektenov.Sonymen qatar, zauyt ūjymdarymen kezdesude Memleket basşysynyŋ bastamasymen jariialanǧan "Jūmysşy mamandyqtary jyly" aiasynda eŋbek jaǧdailaryn jaqsartu jäne jūmysşylardy qoldau şaralary talqylandy.
Ūqsas jaŋalyqtar
