Qazaqstan Finliandiiada ūstalǧan ūşaq ūşqyşynyŋ elımızge ūşyp bara jatyrmyn degen mälımdemesın joqqa şyǧardy, dep habarlaidy “Adyrna” Tengri Travel saityna sıltep.
Azamattyq aviasiia komitetı litvalyq tırkeudegı jeke ūşaqtyŋ Qazaqstanǧa ūşu josparlary turaly aqparatty rastaǧan joq. Vedomstvodan kelıp tüsken resmi jauapta, komitetke erekşe reis jasauǧa rūqsat alu turaly ötınış tüspegenı aitylǧan.
«Qolda bar aqparat boiynşa, LY-ARA tırkeu nömırı bar äue kemesınen erekşe reis jasauǧa rūqsat alu turaly ötınış komitetke tüsken joq», – dep mälımdedı QGA.
Esterıŋızge sala keteiık, 4 jeltoqsan künı Helsinki äuejaiynda ūstalǧan Beechcraft B55 Baron ūşaǧy fin bilıgındegı küdıkterdı tuǧyzdy. Sebebı ol sanksiialardy ainalyp ötu mümkındıgıne bailanysty tekserılgen. Alǧaşynda ūşaq Pskov qalasyna baǧyttalǧany habarlanǧan edı, bıraq ūşaqta bolǧan latviialyq pilot Roberts Klimovich reistıŋ soŋǧy baǧyty Qazaqstan ekendıgın aityp, onda aviasiialyq jobalardy jüzege asyrudy josparlaǧanyn mälımdegen.
