«HHI ǧasyrdaǧy Alaştyŋ Aq joly» Jalpyūlttyq Baiqauy

18.09.2019
6261
https://adyrna.kz/content/uploads/2019/09/ak.jpg
«Aq jol» partiiasy 2019 jylǧy «HHI ǧasyrdaǧy Alaştyŋ Aq joly» Jalpyūlttyq Baiqauyn jariialaidy.

Baiqaudyŋ basty maqsaty – Alaş qozǧalysynyŋ saiasi täjıribesın, ekonomikalyq ūstanymyn jäne ruhani mūrasyn qazırgı Qazaqstan qoǧamyn jaŋǧyrtu konteksınde zerdeleu men nasihattau.

Baiqauǧa Alaş qozǧalysy taqyrybynda zertteulermen ainalysyp jürgen 18-35 jas aralyǧyndaǧy Qazaqstan jäne şetel azamattary qatysa alady.

Baiqau jūmystary qazaq, orys jäne aǧylşyn tılderınde qabyldanady.

Baiqau kelesı  nominasiialar boiynşa ötkızıledı:
Alaş qairatkerlerınıŋ memlekettılık turaly ideialarynyŋ qazırgı Qazaqstan qoǧamy üşın özektılıgı men maŋyzdylyǧy:

–          Alaş jäne parlamentarizm;

–          Alaş jäne diplomatiia;

–          Alaş jäne saiasi partiialar;

–          Alaş jäne memlekettı basqaru formasy;

–          Alaş jäne demokratiialyq qūndylyqtar,

–          Alaş jäne qūqyqtyq sana, t.b.
Alaş ūstanymy jäne bügıngı ūlttyq ekonomikamen äleumettık salany jetıldıru mäselelerı:

–          Alaş qairatkerlerınıŋ köşpelı jäne otyryqşy şaruaşylyq turaly pıkırtalastary;

–          Qazaqstannyŋ şikızat qory jäne önerkäsıptı damytu;

–          Alaş jäne eŋbek qoǧamyn qalyptasyru;

–          Alaş jäne naryq;

–          Alaş jäne salyq mäselesı, t.b.
Ūly Dala jetıstıkterınzerdeleudegı Alaştyŋ ruhani mūrasynyŋ orny:

–          Alaş qairatkerlerınıŋ türkı älemınıŋ genezisı turaly zertteulerı;

–          Alaş qalamgerlerı şyǧarmaşylyndaǧy «Altai», «Türkıstan», t.b. kielı ūǧymdardyŋ beinesı;

–          Alaş jäne mädeni kod;

–          Alaş ideialary jäne ūlttyq brend, t.b.

BAQ jurnalisterı üşın arnaiy nominasiia
Bügıngı zaman konteksındegı Alaş:

–          Publisistık maqalalar;

–          Derektı filmder;

–          Habarlar;

–          Reportajdar;

–          Jurnalistık zertteuler;

–          Sūhbattar;

–          Tok-şou şyǧarylymy.

Baiqau üş kezeŋnen tūrady:

1-kezeŋde  Baiqauǧa kelıp tüsken jūmystarǧa qazylar alqasy saraptama jasap, ırıkteuden ötkızedı. 

2-kezeŋde  üzdık 40 jūmystyŋ avtorlary taqyryby boiynşa baiandama jasap, öz nominasiiasyndaǧy qarsylas ümıtkerlermen pıkırtalasqa tüsedı. 

3-kezeŋ Alaşorda ükımetınıŋ qūrylǧan künı qarsaŋynda, jeltoqsan aiynda ötkızıledı. Baiqaudyŋ aqtyq synyna qatysuşylar öz jūmystaryn qorǧap, qazylar alqasynyŋ şeşımımen jeŋımpazdar men jüldegerler anyqtalady.

Baiqau şarttary:
Jūmys bır adamnyŋ (jeke ümıtkerdıŋ) atynan  jäne özı körsetken nominasiia boiynşa ūsynylady;
Jūmysta Alaş qairatkerlerı közqarastarynyŋ bügıngı däuırmen sabaqtastyǧy mındettı türde qamtyluy tiıs;
Plagiatqa (basqa avtorlardyŋ daiyn jūmystaryn köşırıp ūsynuǧa) jol berılmeidı;
Şyǧarma bastaqyrybynyŋ onyŋ mazmūnyna säikes kelgenı jäne tapqyr da jinaqy qoiylǧany maqūldanady;
Jūmysta sılteme jasalǧan derekközder däl, naqty jäne şynaiy boluy qajet;
Talapqa sai bezendırılmegen jäne merzımınen keş joldanǧan jūmystar qabyldanbaidy.
Osyǧan deiıngı jeŋımpazdar Baiqauǧa qatysa almaidy.  

Maqalany (essenı) räsımdeu talaptary:

Mätın 14 ölşemdı Times New Roman qarpımen terıledı; jolaralyq interval – 1; abzas şegınısı – 1,25 sm; bettıŋ oŋ jaǧynan – 3 sm, üstıŋgı jäne astyŋǧy jaǧynan –  2 sm, sol jaǧynan 1,5 sm keŋıstık qaldyrylady.

Baiqauǧa qatysu turaly ötınışte jūmys avtorynyŋ tolyq aty-jönı, tuǧan jyly, tūrǧylyqty meken-jaiy, qyzmet (oqu) orny, ǧylymi därejesı (bar bolsa), ūialy bailanys telefony men elektrondy poştasy tolyq körsetıledı.   

Maqalanyŋ (essenıŋ) kölemı 10 betten aspauy tiıs.

Baiqauǧa ūsynylatyn jūmystar  2019 jyldyŋ 1 qazanyna deiın qabyldanady.

Baiqaudyŋ jülde qory – 4 million teŋge. Ol kelesı tärtıp boiynşa bölınedı:

2-kezeŋge joldama alǧan ümıtkerlerdıŋ ärqaisysyna (aqtyq synǧa ötetın 12 qatysuşydan basqasyna) 25 myŋ teŋgeden qarjylai syilyq berıledı.

Aqtyq saiys qorytyndysy boiynşa nominasiianyŋ jeŋımpazdary men jüldegerlerıne berıletın qarjylai syilyq kölemı:

Bırınşı oryn – 300 000 (üş jüz myŋ) teŋge;

Ekınşı oryn – 200 000 (ekı jüz myŋ) teŋge;

Üşınşı oryn – 100 000 (jüz myŋ) teŋge.

Jeŋımpazdar  men jüldegerlerge Jalpyūlttyq «Alaştyŋ Aq joly baiqauynyŋ laureaty» tösbelgısı tabystalady. 

Baiqau jeŋımpazdary (1-oryn) men jüldegerlerınıŋ (2,3-oryndar) maqalalary jeke jinaq türınde jaryq köredı.

Baiqaudyŋ 2 jäne 3-kezeŋderıne qatysuşylardyŋ ıssapar jäne jatyn oryn şyǧyndary «Aq jol» QDP  tarapynan tölenedı.

Baiqau jūmystary «HHI ǧasyrdaǧy Alaştyŋ Aq joly» belgısımen «Aq jol» Qazaqstannyŋ demokratiialyq partiiasy Ortalyq apparatynyŋ meken-jaiyna (Nūr-Sūltan qalasy, Mäŋgılık el, 30, «Aq jol» QDP keŋsesıne) nemese alash_akzhol@mail.ru; akzholpress@mail.ru elektrondyq poştasyna joldanady.