Almatyda köru jäne estu qabıletı būzylǧan adamdarǧa jetı kıtaphana qyzmet körsetedı, olardyŋ aqparatqa qol jetkızuı üşın zamanaui jabdyqtarmen qamtamasyz etılgen. Almaty äkımı Erbolat Dosaevtyŋ inkliuzivtı orta qūru jönındegı tapsyrmasy aiasynda būl kıtaphanalarda mätındı taktildı formatta körsetetın Brail displeilerı, Brail qarpınde basyp şyǧaruǧa arnalǧan printerler, mätınnıŋ kontrastyn ülkeituge jäne özgertuge arnalǧan qūrylǧylar men mätındı oqityn, ony dauystap oinatatyn jäne audioformatqa audaratyn skanerler ornatylǧan.
Audiokıtaptardy tyŋdau yŋǧaily bolu üşın kıtaphanalarda dybys sapasy joǧary qūlaqqaptar da bar. Būǧan qosa, beiımdelgen baǧdarlamalyq jasaqtamasy bar kompiuterler ornatylǧan, būl köru jäne estu qabıletı naşar adamdarǧa aqparatpen tiımdı jūmys ısteuge septıgın tigızedı.
Estu jäne köru qabıletı būzylǧan adamdar myna kıtaphanalarǧa bara alady: Jambyl atyndaǧy QJK, «Alatau Creative Hub», Chehov atyndaǧy OQK, Qazaqstan jazuşylarynyŋ kıtaphanasy, sondai-aq №4, 14 jäne 45 filialdar. Būl jerlerde aqparattyq resurstardy paidalanu yŋǧaily bolu üşın barlyq jaǧdai jasalǧan. Bastama mädeni nysandarǧa teŋ qoljetımdılık pen kedergısız orta qūru qaǧidasy aiasynda qala äkımınıŋ tapsyrmasymen jüzege asyryldy.
Aita keteiık, būl kıtaphanalarda köru qabıletı naşar qyzmetkerler de jūmys ısteidı. Olar oqyrmandarǧa qūral-jabdyqty üirenuge, qajettı resurstardy ızdeuge jäne oqytuǧa kömek körsetedı. Būl jūmys oryndaryn qūruǧa jäne qalanyŋ barlyq tūrǧyny üşın mädeniet pen bılımge degen qoljetımdılıktı arttyruǧa mümkındık beredı.
Qala äkımdıgınıŋ qoldauymen Almatyny damytudyŋ Jol kartasy aiasynda kıtaphana qyzmetkerlerı Seulde taǧylymdamadan ötıp, kıtaphanalyq qyzmet körsetudıŋ zamanaui ädısterın meŋgerdı, salaǧa būl jaŋaşyldyq engızıle bastady. Byltyr mamandar Germaniia men Şveisariiada da taǧylymdamadan öttı.
Jalpy, Almaty kıtaphanalarynda 400-ge juyq adam jūmys ısteidı. 2023 jyly qala äkımınıŋ bastamasymen qyzmetkerlerdıŋ jalaqysy 30%-ǧa östı, 2024 jyly jalaqy taǧy 25%-ǧa ūlǧaidy, al biyl taǧy 29%-ǧa köbeiedı. Aita keteiık, qala kıtaphanalarynyŋ 18 jas mamany «Almaty Jastary» baǧdarlamasy boiynşa baspanaly boldy.
Qalada äkımdıkke qarasty 28 kıtaphana jūmys ısteidı, onyŋ 95%-y jaŋǧyrtylǧan. Jyl saiyn Almaty kıtaphanalaryna keluşılerdıŋ jalpy sany 3 millionnan asady.
Ūqsas jaŋalyqtar
