Ǵasyr jumbaǵy. Tramp atyshýly oqıǵalar qupııasyn ashýǵa buıyrdy

1256
Adyrna.kz Telegram
Foto: REUTERS/Kevin Lamarque.
Foto: REUTERS/Kevin Lamarque.

23 qańtarda AQSh prezıdenti Donald Tramp birqatar jarlyqtarǵa qol qoıdy. Onyń ishinde abortqa qarsy narazylyqtarǵa qatysýshylardy keshirý týraly sheshim qabyldady jáne atyshýly oqıǵalar qupııasyn ashýǵa buıyrdy, dep habarlaıdy “Adyrna” ulttyq portaly.

“Golos Amerıkı” saıtynyń málimetinshe, Tramp prezıdenttik mindetin atqaryp turǵan kezde, ol 1963 jyly Djon Kennedıdiń, 1968 jyly Robert Kennedıdiń jáne azamattyq quqyqtar qozǵalysynyń jetekshisi Martın Lıýter Kıngtiń ólimine qatysty úkimet qujattaryn jarııalaýǵa pármen berdi.

«Barlyǵy ashylady», — dep málimdedi Tramp Aq úıde jarlyqqa.

Saılaýda jeńgennen keıin, 2022 jyldyń qarasha aıynda Donald Tramp óziniń saılaýaldy ýádesin qaıtalap, Djon Kennedıdiń ólimimen baılanysty sońǵy qujattardy jarııalaýǵa ýáde bergen bolatyn. Bul qujattar «asa qupııa» dep belgilenip, Ulttyq arhıvte saqtalǵan.

1964 jyly Djon Kennedıdiń ólimin tergeýge qatysty resmı komıssııa Lı Harvı Osvaldtyń jalǵyz áreket etkenin jarııalaǵan edi. Biraq Kennedıdiń ólimi áli de túrli boljamdarǵa negiz bolyp keledi.

2022 jyldyń jeltoqsan aıynda Ulttyq arhıv Djon Kennedıdiń ólimine baılanysty 13 myńnan astam qujatty jarııalady. Alaıda Djo Baıden ákimshiligi keıbir qujattardy ulttyq qaýipsizdik sebepterimen jarııalaýdy toqtatty.

Djon Kennedıdiń aǵasy Robert Frensıs 1968 jyly Los-Andjeleste óltirildi. Sol kezde ol prezıdenttikke úmitker retinde basty kandıdat bolǵan edi. Al Martın Lıýter Kıng 1968 jyldyń 4 sáýirinde Memfıs qalasynda segregaııany qoldaıtyn adam tarapynan óltirildi. Ol sol jerge qoqys jııýshylardyń ereýiline qoldaý kórsetý úshin kelgen edi.

Sol kúni Tramp taǵy da birneshe jarlyqqa qol qoıdy. Onyń ishinde 23 abortqa qarsy narazylyqtarǵa qatysýshyny keshirý týraly jarlyq bar. Tramptyń aıtýynsha, bul adamdarǵa qatysty sotqa tartý ádiletsiz bolǵan jáne olardyń kópshiligi qart adamdar.

Sonymen qatar, Tramp Sıetldegi sýdıanyń týǵan jeri boıynsha azamattyq alý quqyǵyn shekteý týraly jarlyǵyn ýaqytsha toqtatý týraly sheshimine qarsy shaǵymdanatyndyǵyn málimdedi.

Tramptyń sol kúni qol qoıǵan taǵy bir jarlyǵy – Soltústik Karolınadaǵy Lýmbı taıpasyna federaldyq tanýdy qamtamasyz etý týraly jospardy daıyndaý.

Aıta keteıik, búgin Tramp Soltústik Karolınadaǵy «Helen» daýylynyń apatynan zardap shekken óńirlerdi kórý úshin saparǵa shyǵady.

Pikirler