Biyl Ūlttyq kino ortalyǧynyŋ qoldauymen 10 jaŋa film prokatqa şyǧyp, körermenın quantpaq. Būl filmderde jas ūrpaqtyŋ tärbiesıne oŋ yqpal etetın, körermenge oi salatyn qūndy ideialar körınıs tabady.
Olardyŋ qatarynda 2011 jyly Tarazdaǧy teraktıde qaza tapqan Ǧaziz Baitasovqa arnalǧan «Kapitan Baitasov» kinokartinasy bar. Sonymen bırge ludomaniia taqyrybyn qozǧaityn «İgromanka» jobasy da qoǧamnyŋ keselın aşyp körsetedı. Al «90+1» filmı jastardyŋ salauatty ömır saltyn ūstanuǧa jäne sportqa degen qūlşynysyn oiatady. Būdan bölek, «Osennii briz», «Feikovyi arman», «Qaitadan», «Tezek», «Qara qyz», «Altyn adam», «Aromatnoe serdse» jäne «Äbıl» filmderı kinoteatrlarda ūsynylady.
«Kino – jai ǧana öner emes, ūlttyq ideologiiany qalyptastyratyn qūraldyŋ bırı. Memleket qarjysyna tüsırılgen kinoda, eŋ aldymen, qoǧamǧa qajettı qūndylyqtar därıpteluı tiıs. Būǧan deiın Prezident Qasym-Jomart Toqaev ta kinoindustriiany mädeniettıŋ bır bölıgı ǧana emes, ekonomikanyŋ jeke tarmaǧy retınde qarastyrudy tapsyrdy. Kinony damytu üşın jaŋaşa közqaras, tyŋ serpın qajettıgın alǧa tartty. Tüsırılım barysynda osy dünielerdıŋ barlyǧy eskerıldı. Qolǧa alynǧan jobalar körermen köŋılınen şyǧady degen oidamyz», – dedı Ūlttyq kinony qoldau ortalyǧynyŋ Basqarma töraǧasy Qūrmanbek Jūmaǧali.
Kino ortalyǧy nauryz aiynyŋ basynda jaŋa kinojobalar konkursy jariialanatynyn da habarlaidy. Biyl film tüsıruge arnalǧan basym taqyryptar legı jariialandy. Onyŋ ışınde eŋ aldymen Otanǧa degen süiıspenşılık, tarih, taǧylym, bılım, otbasy sekıldı maŋyzdy taqyryptar qamtylǧan. Būǧan qosa jūmysşy mamandyqtary men eŋbek adamdarynyŋ erlıgı de basym taqyryptar qatarynda. Tolyqqandy tızım Kino ortalyǧynyŋ resmi saitynda qoljetımdı.
Aita ketu kerek, ötken jyly memlekettık qoldauǧa ümıtker kinojobalardy ırıkteu erejesıne özgerıster engızılgen bolatyn. Jaŋa erejege säikes, konkurstyŋ bırınşı kezeŋınde äuelı ssenariiler qabyldanyp, üzdıkterı saraptama keŋesınıŋ qarauyna jıberıledı. Bügıngı eseppen qarasaq, kinogerler üşın ssenarii jazu, tolymdy oi qorytuǧa 2 ai kölemınde uaqyt berılıp otyr.
