Astananyŋ qylmystyq ıster jönındegı mamandandyrylǧan audanaralyq soty Bolat Nazarbaevqa qatysty atalatyn Eldos Qospaevtyŋ qylmystyq toby müşelerıne ükım şyǧardy, dep habarlaidy “Adyrna” ūlttyq portaly
11 adam reiderlıkpen ainalysty, ūiymdasqan qylmystyq top qūrdy jäne oǧan qatysty dep aiyptaldy.
Ūiymdasqan qylmystyq top AV-Construction, Profit Trade Ltd, Azovita Aktau, Azovita Atyrau siiaqty kompaniialardy basyp alu küdıgıne ılıngen bolatyn.
Eldos Qospaev 15 jylǧa sottaldy. Ol qauıpsızdıgı ortaşa koloniiada jazasyn öteitın bolady.
Aita keteiık, aǧaiyndy Eldos, Aidos, Aibek Qospaevtar ūiymdasqan qylmystyq top qūryp, «AV-Construction» JŞS, «Stekolnyi zavod» JŞS, «Şalqar 17» JŞS, «Bahar-A» JŞS siiaqty ırı biznesterdı basyp alǧan bolatyn. QMA būǧan qatysty tergeudı aiaqtap, Almatydaǧy Aidos Qospaevqa tiesılı «Nikolskii» bazarynyŋ aumaǧynda ornalasqan jer uchaskesı men mülkıne tyiym salǧan edı.
Keiın Qarjy monitoring agenttıgı bırneşe ülken biznestı basyp alǧan aǧaiynda Qospaevtarǧa qatysty taǧy bır qylmysty anyqtaǧan edı.
«Alaida, biyl qyrküiek aiynda «Azamattarǧa arnalǧan ükımet» bazasyna jalǧan aqparat engızu arqyly qūny 2,2 mlrd teŋge bolatyn mülık pen jer uchaskesı şeteldık investorlarǧa odan ärı satu maqsatynda bögde tūlǧalarǧa qaita resımdelgen», - dep habarlaidy QMA.
Agenttık alaiaqtyq üşın būryn sottalǧan üş adamdy anyqtap, olardy qamaǧan.
