Maŋǧystaulyq jas sarbazdyŋ qūpiia ölımıne jauap ala almaǧan jaqyndary Toqaevqa hat jazdy

Hattyŋ saryny tömendegıdei: "Maŋǧystau oblysy, Aqşūqyr auylynan bolamyn. Men äskeri boryşyn öteuge ketıp, 4 künnen keiın qaitys bolǧan Qalbai Älıbektıŋ jeŋgesımın. Qazır sotty toqtatyp, qaitadan tergeu üşın prokaraturaǧa joldaǧanbyz. Bıraq ädıldıkke jetu degen öte qiyn eken. Balamyzdyŋ denesınıŋ 18 jerınde gematoma boldy."

"Qūrmettı Qazaqstan Respublikasynyŋ Prezidentı Qasymjomart Kemelūly Toqaev! Biylǧy jyldyŋ 22 säuırınde Jambyl oblysy, Gvardeisk qalaşyǧy, 30212 äskeri bölımşesınde jas sarbaz Qalbai Älıbek Salamatūlynyŋ Otanyna qyzmet etuge ketıp, tört künnen keiın belgısız sebeptermen sapta tūrǧan jerınen qaitys bolu oqiǧasy oryn aldy. Atalǧan oqiǧa boiynşa sol äskeri bölımınıŋ jas sarbazy A.Amanjulovqa qatysty QR QK-synyŋ 440 baby 2 tarmaǧymen qylmystyq ıs qozǧaldy. Qazırgı kezde A.Amanjulov qamauda. Gvardeiskii qalaşyǧyndaǧy sotqa deiıngı äskeri tergeu bölımı basşysy M.B.Djanaevyŋ basşylyǧymen tergeu toby qūrylyp, qylmystyq ıs ekı aidan astam uaqyt ötkennen soŋ Almaty qalasy boiynşa äskeri sotynyŋ öndırısıne tüstı. Äskeri Prokuratura tarapynana joǧaryda körsetılgen bappen A.Amanjulovqa qatysty aiyp taǧylyp,  sot tergeuı de bastaldy. Sot tergeuınde 174 kuägerdıŋ 46-cynan jauap alyndy. Onyŋ ışınde sol äskeri bölımnıŋ komandirlerı, serjanttar, äskeri bölım därıgerı, meiırbike, jas sarbazdar sūraldy. Jauap alynǧan kuägerdıŋ tügelı desek artyq aitylmaǧany bolar, jalǧyz küdıktı Kurochkinnıŋ Amajulov ūrdy dep körsetken jauaptary negızın tappady. Qylmystyq ıs üstırtın jürgızılgen. Prokuratura tarapynan qandai da bır äskeri bölım komandirlerlerımen, serjanttarynyŋ ıs-ärketterın jasyru maqsatynda bolsa kerek, müldem ıs obektivtı qaralmaǧan. Jauap alu hattamalarynda ketken kemşılıkter şaş etekten. Qylmystyq ıs boiynşa qaitys bolǧan jas sarbaz A.Qalbaidy ūryp soqty degen jerıne qatysty oqiǧa ornynan «situasionnyi» qarau jasalǧan. Ol jerde bala-baqşa balasyn aldaǧandai jasandy ıs-äreketter körınıp tūrdy. Sot otrysyna şaqyrtylǧan äskerı şendılermen, jas sarbazdar jäne kuäger V.Kurochkin jauaptarynda bırneşe qarama-qaişylyqtar oryn aldy. Äskeri 30212 äskeri bölımınıŋ 220 dana «beinetaspalarynyŋ» jūmys ıstemeitındıgı anyqtaldy. Sot tergeuınde jauap alynǧan Maŋǧystau oblysy boiynşa saraptama İnstitutynyŋ «izgumasiia» jasaǧan komissiia sarapşylary A.Ahmetovpen A.Amirşin, gistolog A.Berdibekova  özderı tarapynan jasaǧan saraptama qorytyndylaryn rastady. Alaida, mäiıtke alǧaşqy bolyp saraptama jasaǧan Jambyl oblysy boiynşa saraptama İnstitutynyŋ sarapşysy A.Kim özı bergen qorytyndyǧa tolyqtai jauap bere almai, saraptama qorytyndysyn jartylai quattady. Sot tergeuınde jauap alynǧan serjant sostavy özderınıŋ eşnärseden habarsyz ekendırın aityp, oqiǧa bolǧan künı tapjylmai jūmys oryndarynda bolǧandaryn däleldeuge tyrysty. Alaida,  qorǧau tarapy oǧan syn közben qarady. 21.04.2022 jyly keşke sarbazdar ūiqyǧa jatqannan keiın taŋǧy saǧat 5.00 şamasyna deiın marqūm A.Qalbaidyŋ taiaq jegenın joqqa şyǧaruǧa bola ma? 22.04.2022 jyly taŋǧy sapta tūryp qūlaǧan marqūm A.Qalbaidyŋ denesınen sarapşylar 18 türlı jaraqattyŋ baryn joqqa şyǧarmady. "Sonda jalǧyz sarbaz A.Amanjulovtyŋ ūrǧan 6.7 soqqysynan adam öldı me?" degen sūraqqa osy künge deiın mardymdy jauap ala almadyq. Jäbırlenuşı taraptyŋ  atynan  M.Djavgaşev atyna ötınış-hattar joldandy. Ol jerdegı jäbırlenuşı taraptyŋ maqsaty ıstıŋ aq-qarasyn anyqtaudy jäne ädıl qaraudy sūraǧan bolatyn. Alaida, oǧan nazar audarǧan basşylyq joq. Gvardeiskii bölımı tergeu tarapy basşysy T.Djaikov äskeri bölımşesınde jas sarbaz ölımı bolyp jatqanda erkın eŋbek demalysyna ketkenı azdai, ışımdıkke sylqiia toiyp alyp, tergeuge tartylyp, jauap alynyp jatqan sarbazdarǧa  qoqaŋ loqy körsetıp, kelgenderıne bes kün bolǧan sarbazdarǧa qylmysty moiyndaŋdar dep balaǧattaǧany sot tergeuınde  Amanjulovqa ūsynǧan fototablisada tanyldy. Qazaqstan Respublikasy Konstitusiiasynyŋ 3 baby,1,2 tarmaǧy boiynşa memlekettık bilıktıŋ bırden-bır bastauy - halyq delıngen. Qazaqstan  Respublikasy özın demokratiialyq, zaiyrly, qūqyqtyq jäne äleumettık memleket retınde ornyqtyrdy, onyŋ eŋ qymbat qazynasy – adam jäne adamnyŋ ömırı, qūqyqtary men bostandyqtary. Eşkımdı azaptauǧa, oǧan zorlyq-zombylyq jasauǧa, basqadai qatygezdık nemese adamdyq qadır-qasietın qorlaityndai jäbır körsetuge ne jazalauǧa bolmaidy delıngen. Kulmagambetovter  otbasyna, tuystarymen ata-anasyna qyrşyn, 18 jasqa endı tolǧan azamat jıgıt bolǧan balasynyŋ Jambyl oblysy Gvardeiskii qalaşyǧy Otar eldı mekenınde 30212 äskeri bölımşesıne öz Otanyn qorǧaimyn dep kelgen jerınen bas aiaǧy tört kün ışınde belgısız jūmbaq jaǧdaida qaitys boldy degen suyq habar bükıl eldı bei-jai qaldyrmady. Būl jas sarbaz Qalbaidyŋ ölımı nege tört kün ışınde boldy? Oǧan kınälıler kım? Kınälıler bolsa, nege tergeu tarapynan jazaǧa tartylmady, sonda jazasyn öteuge auyr qylmysty bır sarbyzdyŋ arqalap ketuıne ne sebep degen myŋdaǧan sūraqqa jauap alu mümkın bolmady. 30212 äskeri bölımşe basşylarynyŋ  nemqūraily bolǧandyqtarynan sarbaz ölımı bolyp otyrǧan joqpa? Almaty garnizony äskeri sotynyŋ öndırısınde QR QK-synyŋ 440 baby 4 bölıgımen qaralyp jatqan A.Amanjulovqa qatysty qylmystyq ısın Jambyl oblysy boiynşa Äskeri Prokuraturasyna qaitaryldy. Alaida Prokuratura sot şeşımımen kelıspei apelliasiialyq şaǧym tüsırdı. 09.11.2022  jyly Astana qalasy boiynşa Joǧarǧy sotynda qaralǧan apelliasiialyq şaǧym özgerssız qaldyrylyp, qylmystyq ıs qaita tergeuge Gvardeiskii kalaşyǧy tergeuıne kaita kaitaryldy. Qūrmettı Prezident! Osy jas sarbazdyŋ ölımıne qatysy bar äskeri şendılerdı jauapqa tartyp, ıstı obektivtı türde qarap ädıl şeşım şyǧaru üşın yqpal etuıŋızdı sūraimyz! Jäbırlenuşı Kulmagambetov Salamat

"Adyrna" ūlttyq portaly