Äskerde jūmbaq jaǧdaida qaitys bolǧan jas sarbazdyŋ tuystary qaitadan Toqaevqa hat jazdy

Qūrmettı menıŋ tyŋdarmandarym jäne tūtas qazaq halqy! Qazaqstan Respublikasynyŋ tūtastyǧy men tynyştyǧyna kepıl Qasym-Jomart Kemelūly Toqaev myrza! Men osy jazbamdy paraqşama jükter aldyn öte köp oilanyp, jan-jaǧyma qarap, bolyp jatqan ıs boiynşa sızderge aqparat bergendı dūrys dep şeştım. 2022 jyldyŋ 22 säuırınde sapta tūrǧan jerınde kenetten kūlap, jūmbaq jaǧdaida qaitys bolǧan 18 jasar jas azamat Qalbai Älıbek Salamatūlynyŋ ölımı turaly aitpaqpyn. Jambyl oblysy, Otar eldı mekenı, Gvardeiskii qalaşyǧy, №30212 äskeri bölımşesı sarbazdary,  serjant ofiserlerı, basşylyqtaǧylar qatysqan qylmystyq ıstıŋ sotta qalai zerdelenıp jatqandyǧy jaily jalpaq jūrtqa aitu qajet bolyp otyr.  Bır jyl boiyna saǧyzdai sozylǧan äskeri sarbazdyŋ qaitys bolu faktısı boiynşa ötıp jatqan otyrysqa qart ana Qalbai Älıbektın äjesı Kulmagambetova Boldyq apamyz da qalmai qatysyp keledı. Bıraq sot otyrysydaǧy äskeri bölımşe tarapynan bolyp jatqan bylyqtar toqtar emes. Sot otyrysyna qorǧau tarapynyŋ ötınışımen şaqyrtylǧan ofiser myrzalar, onyŋ ışınde Äskeri tergeu basqarmasy, Gvardeiskii qalaşyǧy boiynşa "Oŋtüstık öŋırı"  tergeu bölımınıŋ basşysy polkovnik T.Djaikov, "Oŋtüstık öŋırlık Tergeu basqarmasynan" M.Djavgaşev, basqarmasynyŋ VJTT basşysy, aǧa tergeuşı B.Djanaev jäne Otar eldı mekenınde ornalasqan Gvardeiskii qalaşyǧy tergeu bölımınıŋ aǧa tergeuşısı M.Äuken bastaǧan bır top ofiseler sotta söz söiledı. Sonyŋ ışınde T.Djaikov tergeu tobynyŋ basşysy bola tūra (qazır zeinetke şyǧyp ketken)  myŋdaǧan syltau aityp, sot otyrysyna kelmedı. Ol sot otyrysyna keluge mındettı edı. Osy qylmys oryn alǧan kezde T.Djaikov qazırgı sottaluşy oryndyǧynda otyrǧan A.Amanjulovqa osy qylmysty moiynda, Atyrau qalasynan kelıp-ketıp jürgen ata-anaŋdy, bauyrlaryŋdy oila, sebebı olarǧa bır jamandyq boluy mümkın dep qorqytkandyǧy sottaluşy tarapynan sot otyrysynda aityldy. Sot otyrysyna şaqyrtylǧan M.Djavgaşev jäbırlenuşı taraptyŋ "Äskeri bölımşelerıŋızde sarbaz ölımı köp oryn alyp tūra ma?" degen sūraǧyn kelekelep, sot otyrysyn külkıge ainaldyryp, mysqyldady.  "İä, ne ısteisız, bızde öte köp sarbaz ölımı bolyp tūrady. Mysalǧa jetı, segız, tıptı on sarbaz ölıp tūrady" dep jauap berdı. Osylaişa sudia A.Rahmetova tarapynan eskertu aldy. Sot otyrysyn külkıge ainaldyryp tūrǧany özge otyrysqa qatysyp otyrǧan azamattardyŋ aşuyn tudyrdy. Memlekettık aiyptauşynyŋ mūndai kemşılıkterge köz jūmyp qarap otyrǧany, odan qaldy ofiser M.Djavgaşevtı qorǧaştaǧanyn körgen sotqa qatysuşylar aitarǧa söz tappady. Sot otyrysyna kelıp jauap bergen tereguşı M.Äuken öz tarapynan qylmys jasaǧan jalǧyz Kurochkin ekenın alǧa tartyp, sol jalǧyz küägerdıŋ bergen jauaptarynan qylmystyq dälel tabylǧanyn aityp aidy aspanǧa şyǧardy. Qylmystyq ıstı jürgızu barysynda ketken kemşılıkter şaş etekten. Sebebı situasiondyq saraptama jasaǧan kezde jalǧyz küä Kurochkinnıŋ aituymen ekı statist jetkızılgen. Statistter qaitys bolǧan Qalbai Älıbekpen sottaluşy Amanjulov Aibolatqa ne boilary, ne salmaqtary kelmeidı. Alaida sot öz tarapynan körınıp tūrǧan kemşılıkterge baǧa beretın bolar. 29.03.2023 jylǧy ötkızılgen sot otyrysynda Maŋǧystau oblysy boiynşa mäiıttı «izgumasiia»jasaǧan sarapşylarmen, Jambyl oblysy Qordai eldı mekenınde alǧaşqy mäiıtke saraptama jasaǧan sarapşylar şaqyrtyldy. Sarapşylar özderı bergen qorytyndylaryn rastady. Sot otyrysyna kelgen sarapşylar tarapynan jūmbaq jaǧdaida qaittys bolǧan Qalbai Älıbektıŋ basynan qatty zaqym alǧandyǧy aityldy.Bırınşı mäiıtpen jūmys jasaǧan sarapşy Qalbai Älıbektıŋ ışkı qūrylystarynyŋ qan talauǧa ūşyraǧanyn,  bastyŋ oŋ jaq şekesınen doǧal zatpen ūrylǧandyǧyn aityp öttı. Qylmystyq ıs boiynşa Aqtöbe qalasynan täuelsız jasaǧan saraptama qorytyndysynda mäiıtke «izgumasiia»jasaǧan gostologtar tarapynan kemşılıkter ketkenı aitylady. Sot töraiymy mūndai kemşılıkterge ädıl şeşımın beredı dep oilaimyz. Sot qylmystyq ıs materialdaryn zerttep jatyr. Mıne 11- aidyŋ jüzı boldy. Äskeri Prokuratura tarapynan naǧyz qylmyskerler anyqtalǧan joq. Prokuratura tek qana Kalbai Ädıbek dene jaraqatyn alyp, sodan köz jūmdy degen nätijege kelıp otyr. Qazaq elınıŋ jas buyndaryna osyndai ädılsızdık jasalyp otyrǧanyn körgen ata-ana öz balasyn äskerge, Otanyn qorǧauǧa qalai jıberedı? Balalaryn senıp tapsyryp otyrǧan ofiser myrzalardyŋ aityp otyrǧany mynau bolsa, onda tıptken oilaudyŋ özı qorqynyşty. Al serjanttar jaŋa kelgen jas buyndarǧa «Aijamal»dep kemsıtıp, ar-namysyna tise. Ata-ana ädıldıktı kımnen sūraidy Prokuraturanyŋ jalǧyz maqsaty ıstıŋ ädıl aşylǧany emes, kınälı dep bır sarbazdy sottatyp jıberu. Sonda Qorǧanys Ministrı, Işkı Ister Ministrıne bärıbır bolyp tūrǧany ma? "Sarbaz qaitsa, ondai ölım jiı bolyp tūrady, qalypty jaǧdai" dep ofiser myrza M.Djavgaşev sot otrysyn külkıge ainaldyryp otyr emes pe? Ekınşı ofiser, polkovnik myrza T.Djaikov zeinetke şyqqanyn syltau etıp, ötırık anyqtamamen qūtylyp otyr emes pe? Otanyn qorǧap, elıne, jūrtyna ata-anasymen aman-esen qauyşqannyŋ ornyna, mıne,  bala ölımınıŋ aqiqatyna jete almai, bır jyldyŋ kölemı boldy, ata-anasy ekı qala arasynda ädıldıkke qol jetkıze almai dal bolyp jür. Qūrmettı Prezident myrza! Qasym-Jomart Kemelūly! Sottyŋ ädıl şeşım şyǧaruyna, Qazaqstan Respublikasynyŋ  kepılı retınde yqpal etuıŋızdı qaitys bolǧan jas sarbazdyŋ ata-atasy men tuystary sızden ötınıp sūraidy. Qūrmetpen: jūmbaq jaǧdaida qaitys bolǧan jas sarbaz Qalbai Älıbek Salamatūlynyŋ tuystary.

"Adyrna" ūlttyq portaly