Almatyda eks-polisei mūnaraǧa şyǧyp, narazylyq bıldırdı

Almaty qalasynda būrynǧy polisiia qyzmetkerı Därmen Şynybekov ädıldık ızdep, joǧary kerneulı elektr baǧanasyna şyǧyp, narazylyq bıldırdı, dep habarlaidy "Adyrna" ūlttyq portaly KTK telearnasyna sılteme jasap. Ol segız jyldan berı qandai būiryq negızınde jūmystan quylǧanyn bıle almai jürgenın aitady. Podpolkovnik būl äreketke basqa amaly qalmaǧandyqtan barǧanyn tüsındırdı. Şynybekovtyŋ aituynşa, ol qatardaǧy qyzmetker emes, bölım bastyǧynyŋ orynbasary lauazymynda bolǧan. Podpolkovnik şenıne jetken kezde qyzmet tärtıbın būzdy degen aiyppen jūmystan şyǧarylǧan. Sot şeşımınde onyŋ jol erejesın būzǧandarǧa aiyppūl tübırtekterın bergenı, al ol aiyppūldardyŋ jalpy somasy 618 myŋ teŋge biudjetke tüspei qalǧany körsetılgen. Alaida, eks-polisei būl jaǧdaiǧa qatysy joq ekenın, jalǧan tübırtekter turaly bılmegenın alǧa tartady. "Üş sot öttı. Üş sottyŋ şeşımınde menıŋ kınäm turaly bır dälel joq. Mende zaŋsyz jūmystan quylǧanymdy rastaityn jazbaşa qūjat bar. Bıraq 8 jyl boiy ädılettılıkke qol jetkıze almai kelemın. Ne ministrge, ne Joǧarǧy sotqa jolyǧu mümkın bolmady", – deidı ol. Almaty mamandandyrylǧan audanaralyq äkımşılık sotynyŋ habarlamasyna säikes, Şynybekovtıŋ polisiia departamentıne qarsy talap-aryzy qanaǧattandyrylmady. Sot onyŋ qyzmetınen bosatyluyna №2 Almaly audandyq sotynyŋ 2017 jylǧy şeşımı negız bolǧanyn jäne būl şeşımnıŋ zaŋdy küşıne engenın anyqtady. Eks-polisei naqty qandai būiryq negızınde jūmystan şyǧarylǧanyn bılgısı keledı. Ol būl qūjatqa qol jetkızu üşın sotqa şaǧymdanǧan, bıraq ötınışı qabyldanbaǧan. Därmen Şynybekov qyzmetıne qaita oraludy jäne zaŋsyz jūmystan şyǧarylǧanyn däleldeudı közdeidı.