Kabulda äielderge arnalǧan jalǧyz Radio Begum radiostansiiasy öz jūmysyn uaqytşa toqtatty, dep habarlaidy "Adyrna" ūlttyq portaly CNN-ge sılteme jasap.
Radiostansiianyŋ jabyluyna rūqsatsyz aqparat pen baǧdarlamalardy şeteldık BAQ-qa taratuy sebep bolǧan.
Radio Begum basşylyǧynyŋ mälımdeuınşe, Talibannyŋ aqparat jäne mädeniet ministrlıgı radiostansiia keŋsesınde tıntu jürgızıp, qyzmetkerlerdı uaqytşa tūtqyndaǧan.
Tıntu barysynda qūqyq qorǧau organdary kompiuterler, qatqyl diskıler, faildar jäne jurnalisterdıŋ telefondaryn tärkılegen. Sonymen qatar, radiostansiiada jūmys ısteitın ekı er adam ūstalǧan. Bıraq olardyŋ basşylyq qyzmetke qatysy joq.
Ministrlık radiostansiianyŋ habar taratu saiasatyn būzǧanyn jäne lisenziiany tiıstı talaptarǧa säikes paidalanbaǧanyn alǧa tartyp, onyŋ qyzmetın toqtatty. Şeteldık arnalardyŋ bırıne rūqsatsyz kontent berılgenı aitylǧanymen, naqty qai arna ekenı körsetılmegen.
Būl şeşım halyqaralyq qūqyq qorǧau ūiymdarynyŋ, sonyŋ ışınde "Şekarasyz reporterler" (RSF) ūiymynyŋ narazylyǧyn tudyrdy. Olar şekteudı dereu alyp tastaudy talap ettı.
Radio Begum künıne alty saǧattyq bılım beru baǧdarlamalaryn, densaulyq, psihologiia jäne ruhaniiat taqyryptaryn qamtityn kontent taratqan. Radiostansiianyŋ negızgı maqsaty – Auǧanstandaǧy äielder men qyzdarǧa bılım beru jäne qoldau körsetu bolǧan. Basşylyq saiasatqa aralaspaitynyn erekşe atap öttı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz