Burynǵy Aqtaý ákiminiń orynbasary Tımýr Sádýaqasovqa izdeý jarııalanyp, onyń ornalasqan jeri týraly aqparat bergenderge syıaqy taǵaıyndalady. Bul týraly Qarjy monıtorıngi agenttigi málimdedi, dep habarlaıdy “Adyrna” ulttyq portaly.
"Izdestirilip jatqan azamattyń qaıda ekeni týraly qandaı da bir aqparat bilseńiz, Soltústik Qazaqstan oblysy boıynsha ekonomıkalyq tergeý departamentine habarlasýyńyzdy suraımyz. Telefondar: +7(7152)46-98-18 (kezekshi bólim), Call-center: 1458. Aqparat berýshilerge syıaqy jáne anonımdilik kepildendirilgen", – dep málimdedi Qarjy monıtorıngi agenttigi.
Aqparatqa sáıkes, Tımýr Sádýaqasov alaıaqtyq jáne asa iri kólemde para berýge ıtermeleý boıynsha kúdikke ilingen. Ol "MonolitTas" JShS dırektory bolǵan kezde qylmystyq is qozǵaý máselesin oń sheshý maqsatynda laýazymdy tulǵalarǵa para berýge tyrysqan.
"Tioline" JShS-in basqarǵan kezinde Dolgalev pen basqa quryltaıshylar arasynda Obýhovskoe ken ornyndaǵy úlesti anyqtaý jáne odan túsken tabysty bólý máselelerine qatysty kelispeýshilikter bolǵan. Bul daýlar sot arqyly sheshilgen. Alaıda Dolgalev Sádýaqasov arqyly quqyq qorǵaý organdarynyń laýazymdy tulǵalaryn satyp alyp, keıbir quryltaıshylarǵa qarsy qylmystyq is qozǵaýǵa tyrysqan. Bul arqyly ol seriktesterine qysym jasap, olardyń zańdy talaptarynan bas tartýyn kózdegen", – delingen habarlamada.
Buǵan deıin Soltústik Qazaqstan oblysy boıynsha Qarjy monıtorıngi agenttigi "Tioline" JShS-niń Obýhovskoe ken ornynda zańsyz paıdaly qazbalardy óndirý isin tergep, tergeýdi aıaqtaǵan bolatyn. Qazir bul is sotta qaralýda.
Tımýr Sádýaqasovqa qatysty alǵashynda aqtaý úkimi shyqqan, alaıda keıin bul sheshimniń kúshi joıylǵannan keıin ol jasyrynǵan.
