Būrynǧy Aqtau äkımınıŋ orynbasaryn ūstap bergen adamǧa syiaqy taǧaiyndalady

Būrynǧy Aqtau äkımınıŋ orynbasary Timur Säduaqasovqa ızdeu jariialanyp, onyŋ ornalasqan jerı turaly aqparat bergenderge syiaqy taǧaiyndalady. Būl turaly Qarjy monitoringı agenttıgı mälımdedı, dep habarlaidy “Adyrna” ūlttyq portaly.

"Izdestırılıp jatqan azamattyŋ qaida ekenı turaly qandai da bır aqparat bılseŋız, Soltüstık Qazaqstan oblysy boiynşa ekonomikalyq tergeu departamentıne habarlasuyŋyzdy sūraimyz. Telefondar: +7(7152)46-98-18 (kezekşı bölım), Call-center: 1458. Aqparat beruşılerge syiaqy jäne anonimdılık kepıldendırılgen", – dep mälımdedı Qarjy monitoringı agenttıgı.

Aqparatqa säikes, Timur Säduaqasov alaiaqtyq jäne asa ırı kölemde para beruge itermeleu boiynşa küdıkke ılıngen. Ol "MonolitTas" JŞS direktory bolǧan kezde qylmystyq ıs qozǧau mäselesın oŋ şeşu maqsatynda lauazymdy tūlǧalarǧa para beruge tyrysqan.

"Tioline" JŞS-ın basqarǧan kezınde Dolgalev pen basqa qūryltaişylar

arasynda Obuhovskoe ken ornyndaǧy ülestı anyqtau jäne odan tüsken tabysty bölu mäselelerıne qatysty kelıspeuşılıkter bolǧan. Būl daular sot arqyly şeşılgen. Alaida Dolgalev Säduaqasov arqyly qūqyq qorǧau organdarynyŋ lauazymdy tūlǧalaryn satyp alyp, keibır qūryltaişylarǧa qarsy qylmystyq ıs qozǧauǧa tyrysqan. Būl arqyly ol serıktesterıne qysym jasap, olardyŋ zaŋdy talaptarynan bas tartuyn közdegen", – delıngen habarlamada.

Būǧan deiın Soltüstık Qazaqstan oblysy boiynşa Qarjy monitoringı agenttıgı "Tioline" JŞS-nıŋ Obuhovskoe ken ornynda zaŋsyz paidaly qazbalardy öndıru ısın tergep, tergeudı aiaqtaǧan bolatyn. Qazır būl ıs sotta qaraluda.

Timur Säduaqasovqa qatysty alǧaşynda aqtau ükımı şyqqan, alaida keiın būl şeşımnıŋ küşı joiylǧannan keiın ol jasyrynǧan.