Prokýratýra Atbasar kolonııasynda azaptaý týraly rezonans týdyrǵan is boıynsha apellıaııalyq ótinish jasady. Bul týraly Bas prokýratýranyń baspasóz qyzmeti málimdedi, dep habarlaıdy “Adyrna” ulttyq portaly.
Qylmystyq is Aqmola oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen qaraldy.
Málimet boıynsha, Aqmola oblysynyń qylmystyq ister jónindegi mamandandyrylǵan aýdanaralyq sotynda alqabılerdiń úkimi negizinde Aqmola oblystyq qylmystyq-atqarý júıesi departamentiniń «№1 mekeme» RMM-niń burynǵy 12 qyzmetkeri aqtaldy.
Atbasar qalasyndaǵy №1 túzeý mekemesinde burynǵy laýazymdy tulǵalary sottalǵandarǵa azaptaý áreketin qoldanǵany úshin aıyptalǵan.
Alqabılerdiń úkimine sáıkes, aıyptalýshylar kinásiz dep tanylyp, Qazaqstan Respýblıkasy Qylmystyq kodeksiniń 146-baby, 3-bóliginiń 1-tarmaǵynda kózdelgen qylmysty jasaýdaǵy aıyp boıynsha aqtaldy.
Aqmola oblysynyń prokýratýrasy sot aktisimen kelispeı, 2025 jyly 14 aqpanda apellıaııalyq ótinishhat engizdi.
Eske sala keteıik, 2023 jyldyń kúzinde Qazaqstandaǵy kolonııada Tımýr Dánebaevtyń qatygez azaptalýynyń vıdeolary áleýmettik jelilerde tarady. Bul jaǵdaı qoǵamdyq rezonans týdyrdy. Sodan keıin qyzmettik tekserý bastaldy. 6 qyrkúıekte quqyq qorǵaýshy Elena Semenova azaptaýlar faktisi boıynsha qylmystyq is qozǵalǵanyn habarlady.
Alqa bıler soty Atbasar kolonııasyndaǵy azaptaý isinde sottalýshylardy aqtaǵannan keıin Qazaqstannyń úkimettik emes uıymdarynyń (ÚEU) azaptaýǵa qarsy koalıııasy bas prokýror Berik Asylovqa júgingen bolatyn. Olar belsendini azaptaý týraly oqıǵa vıdeodan keıin ǵana belgili bolǵanyn, ol beınede kolonııa qyzmetkerleriniń tutqyndy azaptaǵany anyq kórinetinin atap ótken.
Atbasar túrmesinde Tımýr Dánebaevty azaptaǵandar aqtalyp ketken. Is alqabılerdiń qatysýymen qaralǵan. Qylmytsyq atqarý júıesiniń burynǵy 12 qyzmetkeriniń bári aqtalyp shyqty. Qamaýǵa alynǵan úsh adam bosatyldy. Qazir barlyq aqtalǵandar "zańsyz qylmystyq qýdalaý" úshin ótemaqy talap etýge quqyly.
