Qazaq ädebietınıŋ körnektı ökılı, jazuşy-dramaturg, Qazaqstannyŋ Eŋbek Erı Dulat İsabekov 83 jasynda dünieden öttı, dep habarlaidy “Adyrna” ūlttyq portaly.
Qaraly habardy Qazaqstan Jazuşylar odaǧy töraǧasynyŋ orynbasary Qasymhan Begmanov jetkızdı.
“Qairan, Dulat aǧam-ai, mynau jaryq dünieden Sızdıŋ de ketkenıŋız be? Osy qazır ǧana Estiiar Dulatūly ınışegım maǧan osynau alapat qaiǧyly habardy jylap tūryp jetkızdı. Qazaqstan Jazuşylar odaǧynyŋ töraǧasyna, el aǧalaryna qaraly habardy jetkızdım. Qazır aǧamnyŋ üiıne qarai ketıp bara jatyrmyn… İä, qazaq ädebietınıŋ klassigı, jazuşy-dramaturg Dulat İsabekov ömırden öttı. Qazaq halqyna köŋıl aitamyn”, – dep jazdy ol äleumettık jelıdegı paraqşasynda.
Dulat İsabekov 1942 jyly Türkıstan oblysynyŋ (būrynǧy Oŋtüstık Qazaqstan oblysy) Sairam audanynda düniege kelgen. 1966 jyly Qazaq memlekettık universitetın tämamdaǧan.
Dulat İsabekov – qazaq ädebietıne ölşeusız üles qosqan qalamger. Onyŋ “Gauhartas”, “Qarǧyn”, “Dermene”, “Äpke” syndy şyǧarmalary halyqtyŋ jüregınen erekşe oryn alǧan.
Eske sala keteiık, osyǧan deiın marqūmnyŋ densaulyǧy syr berıp, auyrǧany turaly beiresmi aqparat jelıde taraǧan bolatyn.
Ūqsas jaŋalyqtar
