AQŞ prezidentı Donald Tramp Ukraina prezidentı Vladimir Zelenskiidıŋ Reseimen soǧysty toqtatu jönındegı kelıssözderge qatysuynyŋ asa maŋyzdy emes ekenın mälımdedı, dep habarlaidy "Adyrna" ūlttyq portaly Fox News-ke sıltep.
"Men onyŋ kelıssözderge qatysuy mındettı dep oilamaimyn. Ol būl üderıste üş jyldan berı bar. Bıraq kelısımderge keludı qiyndatyp otyr", – dedı Tramp telearnaǧa bergen sūhbatynda.
Sondai-aq, Tramp Ukraina basşylyǧynyŋ kelıssözderde ūstanatyn eşqandai «kartalary» joq ekenın atap öttı.
"Men Putinmen öte jaqsy kelıssözder jürgızdım, al Ukrainamen kelıssözder oŋai bolǧan joq. Olarda myqty ūstanym joq, bıraq bärıbır qataŋ saiasat jürgızude. Bız būnyŋ ärı qarai jalǧasuyna jol bermeimız", – dedı ol Aq üide ötken gubernatorlar kezdesuınde.
Tramp Zelenskiidıŋ Saud Arabiiasynda ötken kezdesuge qatyspaǧanyna narazylyq bıldırgenın synǧa aldy.
"Bız Saud Arabiiasymen kelıssözder jürgızıp, beibıtşılık ornatuǧa tyrysyp jatyrmyz. Ol (Zelenskii) üş jyldan berı kezdesulerge qatysyp keledı, bıraq älı eşteŋe jasalǧan joq", – dep atap öttı Tramp.
Ūqsas jaŋalyqtar
