Polisiiadan qarapaiym halyqtyŋ qūqyǧyn qorǧauşy retınde tanylǧan bloger Ruslan Janpeiısovtyŋ tūtqyndalǧany turaly habar äleumettık jelı arqyly taraǧan bolatyn. Polisiia men MAİ qyzmetkerlerıne qyrǧidai tietın Janpeiısovtyŋ qūqyq qorǧau organynyŋ qyzmetkerlerıne "soǧys aşyp" jürgenıne de 1-2 jyldyŋ kölemı boldy. Zaŋdy jetık bıletın Janpeiısov zaŋ qyzmetkerlerıne qalai tūtyldy eken? Aqparattyŋ anyq-qanyǧyn bılu maqsatynda Şymkent qalalyq polisiia basqarmasyna habarlasqanymyzda tömendegıdei resmi jauap aldyq.
"Aǧymdaǧy jyldyŋ 18 mausymy Şymkent qalasynyŋ tūrǧyny dene jaraqatyn alǧany üşın polisiiaǧa jügındı.
Atalǧan faktı ERDR-de Qazaqstan Respublikasynyŋ Qylmystyq kodeksınıŋ «Būzaqylyq» 3-bölıgınıŋ 293 jäne «Densaulyqqa qasaqana ortaşa auyrlyqtaǧy ziian keltıru» 107-baby 1-bölıgı boiynşa tırkelgen.
Sondai-aq polisiia qyzmetkerın qyzmettık mındetterın oryndau kezınde qorlau faktısı boiynşa QR Qylmystyq kodeksınıŋ «Bilık ökılın qorlau» 2-bölıgınıŋ 378-baby boiynşa sotqa deiıngı tergeu jürgızılude.
Qazırgı uaqytta qylmysker Şymkent qalasynyŋ tergeu izoliatoryna qamaldy".
Şymkent q. PB baspasöz qyzmetı
Şymkenttık belgılı zaŋger Aigül Orynbek özınıŋ Feisbuk paraqşasynda Ruslannyŋ tūtqyndalǧanyn rastap, jazba qaldyrǧan. Onda Ruslannyŋ özı zaŋdy üiretıp jürıp özınıŋ de jiı zaŋ būzatynyn eskertkenın aitady. "Ruslan Janpeisov ūstalǧany ras pa?- dep sūrap jatqandarǧa aitarym, būl aqparat ras! Belsendı bolǧan dūrys, bıraq zaŋdy būzbai halyqqa önege körsetu kereksıŋ. Būl joldy taŋdadyŋ ba? Zaŋmen jürudı üiren! Sebebı şyndyqty aitqan saiyn dūşpanyŋ köbeiedı. Eldıŋ qoldauyn öz jeke basynyŋ mäselesın şeşu üşın paidalanudyŋ qajetı joq! Tek zaŋger emes, belsendı retınde osy jolda jürgenıme alty jyldai uaqyt bolypty. Köptegen belsendılerdı kördım. Tez tanylyp, tez öşkenderdı de bılem. Keibır belsendıler halyqtyŋ qoldauyn tabys közıne ainaldyryp, eldı bopsalap, memlekettık qyzmetkerlerge dörekılık tanytyp jatady. Halyqqa zaŋdy üiretıp, özderı zaŋdy öreskel būzyp jatqanyn baiqamai qalady. Ruslanǧa men bırneşe ret eskertkem videolaryŋda köptegen qūqyq būzuşylyqtar bar. Tynyş jürsei, bärın zaŋdy ıstesei dep. Alaida internet jūldyzy auruymen auyrǧan adamdy dūrys jolǧa salu qiyn eken. Ötkende qala tūrǧynyna gaz şaşqan, sol kezdıŋ özınde zaŋ būzǧan. Ol azamat aryzdandy ma, bılmeimın. Odan ūltarazdyq qozdyratyn äŋgıme aitty. Polisiia qyzmetkerıne "Nasissıŋ " degen syqyldy. Ol jerde de zaŋ būzuşylyq faktılerı bar bolatyn. Al endı polisiia qyzmetkerlerıne qol köteru, būl baryp tūrǧan būzaqylyq. Belsendı bolu zaŋdy ūmytu emes, zaŋmen jürıp zaŋnyŋ oryndaluyn mädenietı türde talap etu. Polisiia qyzmetkerlerıne qarap tıkelei efirde tūryp, "Ty che tupoi"- dep aitudyŋ özı dūrys emes! İia belsendı bolyŋyzdar! Bıraq qoǧamdy jäne ūlttyŋ tılın syilaŋyzdar! Bar aitarym osy!" dep jazǧan tanymal zaŋger ärı qoǧam belsendısı. Äleumettık jelını tūtynuşylar pıkırı bolsa ekıge jaryldy. Bırı Ruslandy batyr dese, ekınşısı özıne sol kerek edı deude. Qazaqşa söilegen MAİ qyzmetkerıne "nege qazaqşa söileisıŋ? Nasissıŋ be?" degen sözı Ruslannyŋ köptegen qoldauşylaryna ūnamai qalǧan bolatyn. Ünemı polisiia qyzmetkerlerımen tıresıp, zaŋsyzdyqpen küresıp jüretın Janpeiısovtyŋ būl bırınşı ret tūtqyndaluy emes. Esterıŋızge sala keteiık, osydan ekı jyl būryn, 2017 jyldyŋ nauryzynda polisiiamen küresuşı retınde tanymal Ruslan Janpeiısov sot zalynan bosatylǧannan keiın video-habarlama joldaǧan bolatyn. Būryn para aldy dep aiyptalǧan Ruslan tergeu izoliatorynda bolǧan kezde özın qoldaǧan barlyq adamdarǧa rahmet aitqan. Janpeiısov öz qoldauşylarynan demaluǧa az uaqyt sūrap, sosyn qaitadan ädılettılık üşın küresın jalǧastyruǧa uäde bergen bolatyn."Adyrna" ūlttyq portaly
