Polıııadan qarapaıym halyqtyń quqyǵyn qorǵaýshy retinde tanylǵan bloger Rýslan Janpeıisovtyń tutqyndalǵany týraly habar áleýmettik jeli arqyly taraǵan bolatyn. Polıııa men MAI qyzmetkerlerine qyrǵıdaı tıetin Janpeıisovtyń quqyq qorǵaý organynyń qyzmetkerlerine "soǵys ashyp" júrgenine de 1-2 jyldyń kólemi boldy. Zańdy jetik biletin Janpeıisov zań qyzmetkerlerine qalaı tutyldy eken? Aqparattyń anyq-qanyǵyn bilý maqsatynda Shymkent qalalyq polıııa basqarmasyna habarlasqanymyzda tómendegideı resmı jaýap aldyq.
"Aǵymdaǵy jyldyń 18 maýsymy Shymkent qalasynyń turǵyny dene jaraqatyn alǵany úshin polıııaǵa júgindi.
Atalǵan fakti ERDR-de Qazaqstan Respýblıkasynyń Qylmystyq kodeksiniń «Buzaqylyq» 3-bóliginiń 293 jáne «Densaýlyqqa qasaqana ortasha aýyrlyqtaǵy zııan keltirý» 107-baby 1-bóligi boıynsha tirkelgen.
Sondaı-aq polıııa qyzmetkerin qyzmettik mindetterin oryndaý kezinde qorlaý faktisi boıynsha QR Qylmystyq kodeksiniń «Bılik ókilin qorlaý» 2-bóliginiń 378-baby boıynsha sotqa deıingi tergeý júrgizilýde.
Qazirgi ýaqytta qylmysker Shymkent qalasynyń tergeý ızolıatoryna qamaldy".
Shymkent q. PB baspasóz qyzmeti
Shymkenttik belgili zańger Aıgúl Orynbek óziniń Feısbýk paraqshasynda Rýslannyń tutqyndalǵanyn rastap, jazba qaldyrǵan. Onda Rýslannyń ózi zańdy úıretip júrip óziniń de jıi zań buzatynyn eskertkenin aıtady.
"Rýslan Janpeısov ustalǵany ras pa?- dep surap jatqandarǵa aıtarym, bul aqparat ras! Belsendi bolǵan durys, biraq zańdy buzbaı halyqqa ónege kórsetý kereksiń. Bul joldy tańdadyń ba? Zańmen júrýdi úıren! Sebebi shyndyqty aıtqan saıyn dushpanyń kóbeıedi. Eldiń qoldaýyn óz jeke basynyń máselesin sheshý úshin paıdalanýdyń qajeti joq! Tek zańger emes, belsendi retinde osy jolda júrgenime alty jyldaı ýaqyt bolypty. Kóptegen belsendilerdi kórdim. Tez tanylyp, tez óshkenderdi de bilem. Keıbir belsendiler halyqtyń qoldaýyn tabys kózine aınaldyryp, eldi bopsalap, memlekettik qyzmetkerlerge dórekilik tanytyp jatady. Halyqqa zańdy úıretip, ózderi zańdy óreskel buzyp jatqanyn baıqamaı qalady. Rýslanǵa men birneshe ret eskertkem vıdeolaryńda kóptegen quqyq buzýshylyqtar bar. Tynysh júrseı, bárin zańdy isteseı dep. Alaıda ınternet juldyzy aýrýymen aýyrǵan adamdy durys jolǵa salý qıyn eken. Ótkende qala turǵynyna gaz shashqan, sol kezdiń ózinde zań buzǵan. Ol azamat aryzdandy ma, bilmeımin. Odan ultarazdyq qozdyratyn áńgime aıtty. Polıııa qyzmetkerine "Naıssiń " degen syqyldy. Ol jerde de zań buzýshylyq faktileri bar bolatyn. Al endi polıııa qyzmetkerlerine qol kóterý, bul baryp turǵan buzaqylyq. Belsendi bolý zańdy umytý emes, zańmen júrip zańnyń oryndalýyn mádenıeti túrde talap etý.
Polıııa qyzmetkerlerine qarap tikeleı efırde turyp, "Ty che týpoı"- dep aıtýdyń ózi durys emes! Iıa belsendi bolyńyzdar! Biraq qoǵamdy jáne ulttyń tilin syılańyzdar! Bar aıtarym osy!" dep jazǵan tanymal zańger ári qoǵam belsendisi.
Áleýmettik jelini tutynýshylar pikiri bolsa ekige jaryldy. Biri Rýslandy batyr dese, ekinshisi ózine sol kerek edi deýde. Qazaqsha sóılegen MAI qyzmetkerine "nege qazaqsha sóıleısiń? Naıssiń be?" degen sózi Rýslannyń kóptegen qoldaýshylaryna unamaı qalǵan bolatyn. Únemi polıııa qyzmetkerlerimen tiresip, zańsyzdyqpen kúresip júretin Janpeıisovtyń bul birinshi ret tutqyndalýy emes.
Esterińizge sala keteıik, osydan eki jyl buryn, 2017 jyldyń naýryzynda polıııamen kúresýshi retinde tanymal Rýslan Janpeıisov sot zalynan bosatylǵannan keıin vıdeo-habarlama joldaǵan bolatyn. Buryn para aldy dep aıyptalǵan Rýslan tergeý ızolıatorynda bolǵan kezde ózin qoldaǵan barlyq adamdarǵa rahmet aıtqan. Janpeıisov óz qoldaýshylarynan demalýǵa az ýaqyt surap, sosyn qaıtadan ádilettilik úshin kúresin jalǵastyrýǵa ýáde bergen bolatyn.
"Adyrna" ulttyq portaly
