Qazaqstannyŋ Energetika ministrı Almasadam Sätqaliev elımızdegı alǧaşqy atom elektr stansiiasynyŋ (AES) qūrylysy qaşan bastalatyny turaly sūraqqa jauap berdı, dep habarlaidy "Adyrna" ūlttyq portaly.
Ministrdıŋ aituynşa, AES jobalau jūmystary halyqaralyq täjıribe boiynşa 2-3 jylǧa sozylady.
"Jobalau prosesı üş jylǧa deiın uaqyt alady. Üş jyldan keiın "beton qūiu" kezeŋı bastalady, iaǧni naqty qūrylys jūmystary qolǧa alynady. Jalpy qūrylys jūmystaryna ekı jyl ışınde kırısuımız mümkın. Alaida negızgı nysannyŋ qūrylysy tehnikalyq-ekonomikalyq negızdeme tolyq aiaqtalyp, jobalyq qūjattar äzırlenıp, memlekettık organdardan barlyq qajettı rūqsattar alynǧannan keiın ǧana bastalady", – dedı ministr.
Būǧan deiın AES Almaty oblysy, Jambyl audanyndaǧy Ülken auylynda salynatyny turaly resmi habarlanǧan bolatyn. Tiıstı qaulyǧa premer-ministr Oljas Bektenov qol qoidy.
